Жаңалықтар тізбегі
0

Бүркітші Айшолпан Қазақстанда білімін жетілдірмек

jasqazaq.kz, сурет - Zakon.kz жаңалық 24.09.2018 18:35 jasqazaq.kz
2014 жылы ағылшынның "Daily Mail" басылымы құсбегілік өнерін игерген 13 жастағы қазақ қызы туралы мақала жариялап, Айшолпанды бүкіл әлемге танымал етті.

Бүгін ҚР Білім және ғылым министрі Ерлан Сағадиев моңғолиялық бүркітші қандасымыз Айшолпан Нұрғайыпқызымен кездесті. Жиында Айшолпанға Қазақстанда білімін жетілдіру мүмкіндігі талқыланды, деп хабарлайды Baq.kz тілшісі.

Министрмен өткен жиында "Білім жəне инновация" халықаралық қорының президенті Дархан Өте Айшолпанға білім беруге қатысты жаңалығымен бөлісті.

«Біз Айшолпанды елордадағы халықаралық "Спектрум" мектебінде екі жыл академиялық деңгейі және тілдік жағынан дайындамақпыз. Біздің мақсатымыз - өзі шақырту алған Оксфорд жəне Гарвард білім ордаларын дайындап, сол жаққа оқуға түсіру. Биыл қыркүйектен бастап Айшолпанды екі жыл бойы жан - жақты дайындаймыз. Соған біз Білім жəне инновация қоры атынан 20 мың АҚШ доллары көлемінде грант бөліп отырмыз. Негізі бір жыл жетеді. Бірақ, Айшолпан өзі екі жыл дайындалғым келеді деген соң біз келістік. Айшолпан қалаған университетіне түсе алады. Тек қана тілдік деңгейі мен академиялық қабілетін арттыру керек. Ата - анасы келісіп отыр», - деді Дархан Өте.

Министр Ерлан Сағадиев бұл ұсынысты қолдап, өзінің де Гарвард университетінде оқығанын айтты. Сағадиев Гарвард сияқты шетелдік оқу орнына мықты дайындық керек екенін жеткізді. Сондай-ақ, министр Айшолпанға Қазақстанның да кез - келген оқу орнына түсуге көмектесетінін айтты.

Жиын соңында Білім министрі Айшолпан мен анасына сый-сияпат жасады.

Атап өтсек, бұл 17 жастағы бүркітші қыздың Қазақстанға алғашқы сапары.

Естеріңізде болса, 2014 жылы ағылшынның "Daily Mail" басылымы құсбегілік өнерін игерген 13 жастағы қазақ қызы туралы мақала жариялап, Айшолпанды бүкіл әлемге танымал етті. Осыдан кейін режиссер Отто Белл "Бүркітші қыз" (The Eagle Huntres) атты деректі фильм түсірді. Аталған фильм Оскар сыйлығына үміткер үздік 15 фильмнің қатарына да енді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: