Жаңалықтар тізбегі
0

Липосакциядан өлген әйел: Хирург сот алдында жауап беріп жатыр

www.inform.kz, сурет - Zakon.kz жаңалық 12.10.2018 22:17 www.inform.kz
Адвокаттың айтуынша, қылмысты дәлелдеу үшін жүргізілген сараптамалар салдарынан іс екі жыл бойы созылып келді.

Алмалы аудандық сотында пластикалық отадан көз жұмған украиналық азаматшаның өліміне қатысты сот ісі қаралды, деп хабарлайды ҚазАқпарат тілшісі.

Қайғылы оқиға осыдан екі жыл бұрын Алматыдағы жекеменшік емханалардың бірінде болған. Марқұм Дана Агамурадова БАӘ-нен пластикалық ота (липосакция) үшін Алматыға арнайы ұшып келген.

«Ол БАӘ-нен Алматыға 2016 жылдың 26 қаңтарында ұшып келді. Біріккен әмірліктерде косметикалық компанияда жұмыс істейтін. 29 қаңтар күні «Центр эстетики Ольги Рубас» клиникасымен хирургиялық операция жасауға келісті. Осы күні пластикалық хирург Писарев ота жасады. Операциядан кейін арада 6 сағат өткенде Дана Агамурадова қайтыс болды. Қылмыстық іс 2 жыл бойы жүргізіліп келеді», - деді зардап шегуші тараптың адвокаты Гүлмира Бұралхиева.

Адвокаттың айтуынша, қылмысты дәлелдеу үшін жүргізілген сараптамалар салдарынан іс екі жыл бойы созылып келді.

«Қазір отаны жасаған дәрігер айыпталып отыр. Ол кəсіби міндеттерін дұрыс орындамағаны үшін қылмыстық іс қозғалды», - деді адвокат.

Оның сөзінше, ота жасалған клиника директоры өз кінәсін мойындап, оған қарсы үкім шығарылған. Іс шектеулі мерзімге байланысты жабылды.

Сондай-ақ, зардап шеккен тарап материалдық және моральдық зардап үшін өтемақы сұрауға ниетті. Себебі, қаза тапқан азматшаның Ашхабадта жас қызы мен әжесі қалды. Дана Агамурадова Алматы облысы Іле ауданында жерленді, ал туыстары марқұмның денесін отанына қайтара алмаған.

«Клиника кешірім сұраған жоқ, тіпті Дана Агамурадованы жерлеуге материалдық көмек те көрсетпеген. Олар Агамурадованың операцияға төлеген 2 мың доллар қаржысын қайтармады. Осы уақыт ішінде олар марқұмның туыстарымен байланысуға тырыспаған», - дейді қорғаушы.

Осы іс бойынша пластикалық хирург Дмитрий Писаревке ҚР Қылмыстық кодексінің 317-бабы 3-бөлімі бойынша айып тағылды.

Бүгінгі сот отырысына прокурор келмеген. Сондықтан, судья процесті кейінге қалдыруға мәжбүр болды. Күдіктінің адвокаты БАҚ өкілдеріне түсініктеме беруден бас тартты.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: