Данияр Елеусінов АҚШ-та салмақ өлшеу рәсімінен өтті
Сурет: zakon.kz
Қазақстандық жартылай орта салмақтағы боксшы Данияр Елеусінов (3-0? 1 КО) жекпе-жек алдындағы салмақ өлшеу рәсімінен сәтті өтті, деп хабарлайды ҚазАқпарат.
Салмақ өлшеу рәсімінде Елеусінов - 148 фунтты, ал қарсыласы - 146,8 фунтты көрсетті. Еске сала кетейік, Елеусінов Астана уақытымен шамамен ертең таңертең АҚШ-та екінші айқасын өткізеді. Ол Бостонда (Массачусетс штаты) жергілікті спортшы Мэтт Доэртимен (8-5-1, 4 КО) кездеседі.
"Жанкүйерлер мен әдемі бокс көрсететінім үшін маған жанкүйерлік етулері тиіс деп ойлаймын. Әдемі бокс жанкүйерлеріне - мархабат!", - деді Елеусінов.
Айта кетейік, 27 жастағы Елеусіновтің мүддесін қорғайтын Matchroom Boxing промоутерлік компаниясы оның кәсіби бокстағы бесінші жекпе-жегінің қашан және қайда өтетінін де жариялаған болатын. Оның қарсыласы әзірге белгісіз.
Данияр Елеусінов биылғы 4 тамызда өткен жекпе-жекте венгриялық Габор Горбичті (26-13, 16КО) ұпай санымен жеңген болатын. Бұдан кейін қазақстандық боксшының BoxRec.com танымал сайтындағы рейтингі бірден 75 сатыға жоғарылады.
