Тәртіпсіздік орнаған Махачкала әуежайы қашан ашылады

Сурет: Zakon.kz

Бір күн бұрын, 29 қазанда тәртіпсіздіктер болған Махачкала әуежайы 31 қазанда ашылады. Бұл туралы Ресей Федерациясының әуе көлігі федералдық агенттігі мәлімдеді, деп хабарлайды Zakon.kz.

Әуе көлігінің федералды агенттігі Махачкала әуежайының (Дағыстан) ұшақтарды қабылдау үшін уақытша жабылу мерзімі "әуежайдағы жағдайдың тұрақтандыруына байланысты" 2023 жылғы 31 қазанда сағат 2:59-ға (Астана уақытымен 5:59) дейін жалғасатынын түсіндірді.

"Біз ерекше атап өтеміз: әуежайдың ашылуы құқық қорғау органдары әуе терминалын, аэродромды және оның маңындағы аумақтарды мұқият тексергеннен кейін ғана болады!" – делінген федералды агенттіктің Telegram-каналында жарияланған хабарламада.

2023 жылдың 29 қазанында Махачкалада Тель-Авивтен жолаушыларды іздеп келген жұрт әуежайға басып кірді. Жүздеген адам "еврейлерді табу" үшін әуежайға жиналды.

Оқи отырыңыз