Қытаймен шекарадағы бақылау-өткізу бекетіне қазақстандықтар көп келеді деп болжанды
Сурет: primeminister.kz
Себебі Қазақстан мен Қытай арасындағы визасыз режим туралы келісімге байланысты мемлекеттік шекараның Қазақстан-Қытай учаскесіндегі өткізу пункттерінде жеке тұлғалардың қозғалыс ағыны артады деп жоспарланып отыр. Құжатқа сай, 2023 жылдың 10 қарашасынан бастап екі тараптың азаматтарына жеке және іскерлік мақсаттары үшін, емделу үшін 30 күн (туристік) мерзімге визасыз режим енгізіледі.
"Қазір Мемлекеттік кірістер комитеті Қазақстан-Қытай шекарасындағы өткізу пункттерін, оның ішінде Абай ауданындағы "Бақты" өткізу пунктінде іс жүзінде жабылмай, жаңғырту және техникалық жаңғырту жұмыстарын істеп жатыр", - деп хабарлады Мемлекеттік кірістер комитеті.
Сонымен бірге қазір "Бақты" өткізу бекетіндегі өткел уақытша технологиялық жүйе бойынша жүзеге асады, сәйкесінше бақылау кезінде қайта құру кезінде жеке тұлғалардың қауіпсіздігін қамтамасыз ету мүмкіндігі жоқ.
Мемлекеттік кірістер комитеті екі тарап азаматтарының қауіпсіздігі үшін 2023 жылдың 10 қарашасынан бастап Абай ауданындағы "Бақты (ҚР) - Покиту (ҚХР) бақылау-өткізу бекетінде қайта құру кезеңіне жеке тұлғалардың қозғалысы тоқтатылды деп түсіндірді.
Бұл ретте көршілес Шығыс Қазақстан облысының "Майқапшағай (ҚР) – Зимунай (ҚХР)", "Алакөл (ҚР) – Алашаңқай (ҚХР)", "Нұр жолы" (ҚР), Жетісу облысының "Қорғас" (ҚХР), Алматы облысының "Қалжат (ҚР) - Дулати (ҚХР) өткізу пункттерінде жеке тұлғалардың қозғалысын ұйымдастыру әдеттегідей жүргізілуде.
"Осылайша, қауіпсіздікті қамтамасыз ету үшін жеке тұлғалардан Қытай Халық Республикасына тек жоғарыда аталған бақылау-өткізу пункттері арқылы ғана баруды алдын ала жоспарлауды сұраймыз", - деп қосты комитет.
Қазақстан мен Қытай арасында 10 қарашадан бастап визасыз режим жұмыс істей бастағаны бұған дейін хабарланған еді. Келісімге сай, қазақстандықтар көрші елде визасыз 30 күнге дейін жүре алады.
