Түркістанда "ҚазТрансГаз Аймақ" АҚ филиалы тұтынушыларға заңсыз алынған 126 млн теңгені қайтарды
Сурет: Zakon.kz
"ҚазТрансГаз Аймақ" АҚ-тың Түркістан филиалы тұтынушыларға заңсыз алынған 126 млн теңгені қайтарды. Бұл заңсыздық ҚР Ұлттық экономика министрлігі Табиғи монополияларды реттеу комитетінің облыстық департаменті жүргізген жоспардан тыс тексеру кезінде анықталған, деп хабарлайды Zakon.kz.
"Тексеру барысында "ҚазТрансГаз Аймақ" АҚ-тың Түркістан өндірістік филиалы 2021 жылдың 6 қыркүйегі мен 2022 жылдың 3 наурызы аралығында тұтынушылардан бастапқы газды қосуға және пломбалауға 125 642 196 теңге сомасын заңсыз алғаны анықталды. Осыған байланысты, департамент көрсетілген соманы тұтынушыларға қайтару негізінде тиісті ұйғарым шығарды және сот органдарында дұрыстығын дәлелдеді", делінген құзырлы ведомство хабарламасында.
Қазіргі уақытта департаменттің 2022 жылғы 20 сәуірдегі
нұсқамасына сәйкес, "ҚазТрансГаз Аймақ" АҚ-тың Түркістан өндірістік филиалы
тұтынушылардың дербес шоттарына 125 642 169 теңге сомасында толық көлемде
қайтарылғаны да нақтыланады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
