Жаңалықтар тізбегі
0

Енді қазақстандықтар жолдың дұрыс жөнделмей жатқанына шағымдана алады

Sputniknews.kz, сурет - Zakon.kz жаңалық 31.01.2018 22:19 Sputniknews.kz
Агенттік "Қоғамдық бақылау картасы" жобасын пысықтап жатыр.

Бұл туралы бүгін мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Алик Шпекбаев мәлімдеді, деп хабарлайды Sputnik Қазақстан.

"Сіздер білесіздер, биылдан бастап мемлекеттік бюджеттің төртінші деңгейі енгізіледі. Яғни, аудандық маңыздағы қалалар мен ауылдарда, жекелеген ауылдық округтердің жеке бюджеті болады. Бұл деңгейдегі сыбайлас жемқорлықты мысалға келтірмей-ақ қояйын, сіздер онсыз да бәрін білесіздер. Бірақ осы тұста бір маңызды проблеманы атап өткім келеді: ішкі істер органдарымен салыстырғанда, агенттік әр елді мекенде бақылауды жүзеге асыруға мүмкіндік беретін ауқымды инфрақұрылымға ие емес. Дегенмен аудандар мен ауыл тұрғындары бір-бірін жақсы таниды, айналада не болып жатқанынан хабардар. Сондықтан біз күш-жігерімізді біріктіру үшін "Қоғамдық бақылау картасы" жобасын іске асыру мүмкіндігін пысықтап жатырмыз", — деді Шпекбаев.

Оның айтуынша, енді кез келген азамат әлеуметтік желі арқылы мемлекеттік қызметтің сапасыз көрсетіліп жатқанына шағымдана алады.

"Мәселен, егер ауылдық округте жол дұрыс жөнделмей, мемлекеттік бағдарлама аясында салынған газ құбыры жұмыс істемесе, әр адам агенттікке хат жолдай алады. Азаматтардың өтініші лезде қаралады. Әлеуметтік желілерде арнайы парақшалар ашылады. Материалды қалаған формада жіберуге болады. Кейде тіпті бір сурет те жеткілікті. Мәселен, орталықтан Павлодар облысы Ақтоғай ауданы Жастар кентінде не болып жатқанын біле алмайсың. Сондықтан бізге жергілікті жерлерде жағдайды бақылайтын белсенді азаматтық көмекшілер қажет. Оның үстіне елді мекендерде азаматтық бақылау жоқ. Қазір бұл мәселелер күн тәртібінде", — деді агенттік басшысы.

Шпекбаев агенттік бастамасын азаматтарға түсінікті тілде жеткізуде тапсырды.

"Маңыздысы, олар бұл идеяны ұғынып, қоғамдық бақылауды іс жүзінде талқылай бастауы керек. Агенттіктің аумақтық департаменттеріне өзара іс-қимыл тетігін пысықтауды, оны азаматтар үшін барынша ыңғайлы етуді тапсырамын. Әр түскен хатты бастан-аяқ зерделеу керек, оқиға орнына барып, тексеріс шараларын ұйымдастырған абзал", — деді ол.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: