Маңғыстау уылдырық үстінде отырған жоқ – облыс әкімі

Baq.kz Baq.kz
Өңірде балық аулауға қазір тыйым салынған.

Маңғыстау уылдырық үстінде отыр деген ойдан аулақ болу керек. Бұл жөнінде Қазақстанның орталық коммуникациялар қызметінде өткен брифинг барысында Маңғыстау облысының әкімі Ералы Тоғжанов мәлімдеді, деп хабарлайды Baq.kz.

«Өңірде балық аулауға қазір тыйым салынған. Себебі, өздеріңіз білетіндей, қазір уылдырық шашатын мезгіл. Уылдырықты қай жақта шашатынын білесіздер. Негізінен, теңізден шыққан балығымыз Жайыққа қарай көтеріледі. Сондықтан, балықтар, негізінен Атырау жақта. Біздің облыс бойынша Шевченко порты секілді бір-екі үлкен жер бар. Балықтар сол аймақта көптеп жиналады. Балық теңіздің бүкіл жерінде жүре бермейді. Сондықтан, ол оңай дүние емес. Оған байланысты нақты тапсырмалар беріліп, шаралар жүргізіліп жатыр. Маңғыстауда балық аулаудың өзі де оңай емес. Мына жоспарлы балық аулау деген бар емес пе, соның өзін Маңғыстау облысы орындай алмай отыр. Неге десеңіздер, теңіздегі балықты аулау оңай емес. Оған жүмсалатын қаржы көлемі ауланған балық қаражатымен пара-пар. Сондықтан, қазір көп адам теңізге шығып, балық аулағысы кеп отырған жоқ. Қазір, аталған салада 26 ұйым бар. Солардың барлығының басын қосып, белгілі бір шараларды ойластырып отырмыз. Сол себепті, Маңғыстау уылдырық үстінде отыр деген ойдан аулақ болу керек. Ондай жағдай бізде жоқ», - деді облыс әкімі.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
?
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз