ШҚО-дағы өзен-көлдердің су деңгейі күрт көтерілді

Соңғы үш тәулікте Шығыс Қазақстан облысындағы өзен-көлдердің деңгейі күрт көтерілді, деп хабарлайды Хабар 24.

Аймақтағы «Қазгидромет» мамандары таулы жерлердегі Бұқтұрма, Күршім, Қалжыр, Үлбі және Уба өзендеріндегі судың деңгейі 24-тен 77 сантиметрге дейін жеткенін хабарлады. Бұл шекті деңгей саналмағанымен таулы өңірлерде су тасқыны болуы мүмкін. Ал өзендердің күрт көтерілуіне үш туәлік толассыз жауған жауын-шашын әсер еткен. Оған таулы аудандардағы еріген қар суы қосылған. Дегенмен «Қазгидромет» мамандары өзендердегі судың деңгейін әр екі сағат сайын өлшеп, мониторинг жасап отыр. Ал алдағы 3-4 тәуілікте күн райы күрт салқындап, кейбір таулы аудандарда қар аралас жаңбыр жауып, ауа темпратурасы -3 градусқа дейін төмендеуі мүмкін.

– Енді бұл жағдайдың барлығын бақылауда ұстап отырмыз. Біздің бақылаушыларымыз әр 2 сағат сайын жұмысқа шығып, өзендердің су деңгейін қарап отыр. Мәліметтер облыстық әкімшілік және төтенше жағдайлар дапартаментіне уақытылы жіберілуде, - деді «Қазгидромет» РМК ШҚО филиалының директоры Медет Еркенбеков.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021