Қазақстанның бірнеше өңірінде суға кеткен адамдар іздестірілуде

Еліміздің бірнеше өңірінде құтқарушылар іздеу және апатты-құтқару операцияларын жүргізіп жатыр, деп хабарлайды Sputnik Қазақстан ҚР ІІМ ТЖК баспасөз қызметіне сілтеме жасап.

Қапшағай қаласының шетінде, Қапшағай су қоймасында құтқарушылар 1993 жылғы жас жігітті іздестіруде. Болжам бойынша, ер адам балық аулап жатып суға кеткен.

Түркістан облысы Сарыағаш ауданы Ащысай ауылындағы "Құркелес" суару арнасында 2014 жылғы бала іздестіріліп жатыр. 3 тамыз күні ата-анасының қарауынсыз қалған бүлдіршін абайсызда арнаға құлап, суға батып кеткен.

Ал Айыртау ауданы Имантау ауылында, Имантау көлінде шомылып жүрген 1963 жылғы ер адам суға кетті. Қазір іздеу жұмыстары жүргізілуде.

Сондай-ақ Павлодарда Усолка өзенінде шомылу кезінде жағаға жүзіп жете алмаған екі жасөспірім құтқарылды. Оларға оқиға орнында психологиялық көмек көрсетілді.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021