Жаңалықтар тізбегі
0

Өзбекстандық арналарға Ислам Каримовтың атын атауға тыйым салынды

Baq.kz, сурет - Zakon.kz жаңалық 23.08.2018 21:45 Baq.kz
Бұл бұйрықты президенттің мемлекеттік кеңесшісі Хайриддин Султанов берген.

Өзбекстанның ұлттық телерадиокомпаниясының құрамындағы барлық телеарналарға эфирде елдің тұңғыш президенті Ислам Каримовтың есімін атамау жөнінде бұйрық берілген, деп хабарлайды Baq.kz.

Мұндай бұйрық берілгенін Азаттықтың Өзбек қызметіне жергілікті арналардың бірінде жұмыс істейтін жүргізуші хабарлаған.

Жүргізушінің айтуынша, енді бұдан былай эфирден таралатын барлық бағдарламада Өзбекстанның тұңғыш президенті Ислам Каримовтың есімі аталмауы тиіс. Бұл бұйрықты президенттің мемлекеттік кеңесшісі Хайриддин Султанов берген.

- Басшылық бізге: “Егер Каримовтың есімі эфирде аталса, онда бастарыңмен жауап бересіңдер. Бұл мемлекеттік хатшы Сұлтановтың бұйрығы” деп айтты, - деген өзбекстандық телеарналарының бірінің жүргізушісі.

Өзбекстан телеарналарының бірінде бас редактор қызметін атқаратын есімін атамаған азамат та Азаттықтың Өзбек қызметіне мұндай бұйрықтың болғанын растап, оның жәй ғана ұсыныс емес екенін айтқан.

- Бұл ұсыныс емес - талап. Зиялы қауымның аға буын өкілдері Каримовты еске түсіріп, оны жиі ауызға алады. Сондықтан біз осы топ өкілдерін эфирге шығармас үшін барлық амалдарды қолдандық, - дейді есімін атамаған бас редактор.

Оның айтуынша, эфирде Каримовтың атын атамау туралы бұйрық шамамен бір ай бұрын пайда болған.

- Бірақ дүйсенбі күнгі жиналыста бізге оны тағы айтты. Жалпы жыл басынан бері Ислам Каримов жайлы азырақ айтып, Шавкат Мирзияев жайлы көбірек айтуға кеңес берген. Міне, бір айдан асты - редакторлар мәтіндерді лупамен қарап, Ислам Каримов есімін тауып, алып тастап жатыр. Қазір эфирде Ислам Каримовтың атын атау қауіптірек бола бастады, оған қарағанда эфирде діни экстремистік ұйымның жетекшісі Тахир Юлдаштың (“Өзбекстанның ислам қозғалысы” террористік ұйымының өлген жетекшісі - ред.) есімін атау жеңілірек, - дейді өзбекстандық телеарналардың бірінің бас редакторы.

"Ëшлар" телеарнасы тілшісінің айтуынша, эфирде сонымен бірге Ислам Каримовтың суреттері мен ескерткіштерін көрсетуге де болмайды. Оның есімі кездесетін репортаждарға тыйым бар дейді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: