Ерлан Сағадиев: Мен оқушылардың барлық бағаларын көріп отырамын

www.inform.kz www.inform.kz
Оның сөзіне қарағанда, осы саладағы жұмыс жалғаса береді.

ҚР Білім және ғылым министрі Ерлан Сағадиев өзі басқарып отырған саланы автоматтандыру шаралары туралы айтып берді, деп xабарлайды ҚазАқпарат тілшісі.

Министрдің айтуынша, білім саласын цифрландыру арқылы біраз ақшаны үнемдеп қана қоймай, жемқорлық әрекеттерін де айтарлықтай азайтуға болады. Мәселен, бүгінде республикамызда балабақша кезегі 50 проценке автоматты түрде жасалады.

Бұдан бөлек, мектептерде оқыту жүйесін барынша автоматтандыру жұмысына басымдық беріліп келеді.

«Өткен жылы біз оқушыларға қойылған 450 миллион бағаны онлайн режимде тіркедік. Демек, министрлік әрбір бағаны көріп отыр. Оны ешкім өзгерте алмайды. Бұдан бөлек, 8,5 миллиондай үй жұмысы берілді. Сонда мен өзім әрбір үй жұмысын кабинетімде отырып көре аламын», - деді Е.Сағадиев «Астана-адалдық алаңы» жобасы аясында өткен жиында.

Оның сөзіне қарағанда, осы саладағы жұмыс жалғаса береді. Алдағы екі жылда буxгалтерия, күнделік жалпы барлық жүйелерді автоматты режимге ауыстыру жоспары бар.

«Біз оның бәрін үлкен мәліметтер базасына шығарып қоямыз. Оған ешкім өзгеріс енгізе алмайды. Бәрі көрініп тұрады. Сонда білім саласындағы шаралар барынша ашық жүргізіледі», - деп атап көрсетті Е.Сағадиев.

Айта кетейік, бүгінгі жиында Астана әкімі Әсет Исекешев бюджеттік сала қызметкерлеріне 1 миллион теңге көлеміндегі тұрғын үй куәліктерінің берілетінін мәлімдеді.

«Қазіргі кезде біз қала қызметкерлеріне арналған жаңа тұрғын үй бағдарламасын әзірлеп жатырмыз. Оны Тұрғын үй құрылыс жинақ банкі арқылы іске асыратын ойымыз бар. Тұрғын үй куәліктері арқылы біз мұғалімдер, дәрігерлер және тағы басқа мамандардың баспана мәселесін шешуді көздейміз», - деп атап көрсетті Ә.Исекешев.

zkadm
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз