Депутат бес жыл той өткізуге тыйым салуды ұсынды

Sputniknews.kz Sputniknews.kz
Қырғызстанда жыл басынан бері мемлекет есебінен 105 той өткізілген. Депутат бюджет қаражатын шығындауды тоқтатуды ұсынды.

Қырғызстанда Жогорку Кенеш депутаты Ақылбек Жаманқұлов елде той өткізуге бес жылдық мораторий енгізуді ұсынды, деп хабарлайды Sputnik Қазақстан.

Депутат бұл бастамасын парламент отырысында ұсынды. Оның мәлімдеуінше, биыл жылдың басынан бері мемлекет есебінен 105 той өткізілген.

"Бұл не? Әр тойға 2 миллионға жуық сом жұмсалады. Өздеріңіз есептей беріңіздер: Балықшының 120 жылдығы, Нарынның 150 жылдығы, Қызыл-Кидің 120 жылдығы, Созақтың 100 жылдығы, Базар-Қорғанның 100 жылдығы, Лейлекьің 90 жылдығы және тағы басқа да тойлар. Мұның барлығы жергілікті бюджет есебінен қаржыландырылады", — деді депутат.

Жаманқұлов парламенттегі үкімет өкілінен бұл мәселе жөнінде премьер-министрмен сөйлесіп, той өткізуге мораторий енгізуді сұрады.

Депутат тек мемлекет есебінен өткізілетін тойларды айтып отырғанын нақтылап өтті.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз