Жаңалықтар тізбегі
0

Мейвезер Головкин мен "Канелоның" екінші жекпе-жегіне баға берді

zakon.kz, сурет - Zakon.kz жаңалық 19.09.2018 22:10 Сурет: zakon.kz
Үлкен Флойд Мейвезер мексикалық боксшы таза жеңіске жеткенін мәлімдеді.

Атақты бұрынғы әлем чемпионы кіші Флойд Мейвезердің әкесі және бапкері үлкен Флойд Мейвезер Геннадий Головкин мен Сауль "Канело" Альварестің екінші жекпе-жегінің нәтижесін бағалады, деп жазды Sputnik Қазақстан.

"Канело" жеңді деп есептеймін. Шынымды айтсам, бұл жолы "Канело" айтарлықтай басымдық танытты. Егер бірінші жекпе-жек тең жағдайда өтсе, мұнда олай болмады – "Канело" таза жеңді", — деп жауап берді маман Mayweather Boxing Channel-ге берген сұхбатында.

Бұған дейін ауыр салмақтағы бұрынғы абсолютті әлем чемпионы Майк Тайсон Геннадий Головкин мен Сауль "Канело" Альварестің екінші жекпе-жегіне өз бағасын берген болатын. Ол тартысты кездесу болғанын айтып, мексикалық боксшының жанкүйері екенін жеткізді.

Естеріңізге сала кетейік, Головкин мен Альварестің екінші жекпе-жегі 16 қыркүйек күні Лас-Вегаста өтіп, төрешілер шешімімен мексикалық жеңіске жетті — 114-114, 115-113, 115-113.

Головкиннің жеңілісінен кейін оның WBA Super, WBC және IBO тұжырымдары бойынша әлем чемпионы белбеулері "Канелоға" өткен еді, бірақ олардың барлығы бірдей мексикалық боксшыға берілмеді.

Бүгін белгілі болғандай, Альварес Халықаралық бокс ұйымына (IBO) санкциялық жарнаны төлеуден бас тартқан, осылайша бұл титул бос қалып отыр. "Канело" WBA Super, WBC әлем чемпионы белбеуін, WBC арнайы белбеуі мен The Ring журналының белбеуіне ие болды.

Сондай-ақ, қазір үшінші жекпе-жек өткізу туралы көп әңгіме болып жатыр. Головкиннің бапкері Абель Санчестің сөзінше, "Golden Boy Promotion" компаниясының президенті GGG-дің жеңілісінен кейін үшінші кездесудің қажеттігі туралы айтқан. Бірақ Санчес Головкиннің осы жылдың желтоқсанында немесе келесі жылдың басында шаршы алаңға шығуы екіталай екенін атап өтті.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: