Шымкентте мектептен үйге келе жатқан оқушы қызды зорлап кетті

Sputnik Казахстан Sputnik Казахстан
Жаға ұстатарлық оқиға күндіз мектеп маңындағы қараусыз жатқан үйде болған.

Шымкенттің полиция департаменті кәмелетке толмаған қызды зорлау бойынша қылмыстық іс қозғады, деп хабарлайды Sputnik Қазақстан тілшісі.

Шымкент қалалық полиция департаментінің мәліметінше, 5 қаңтарда жергілікті тұрғын кәмелетке толмаған қызын зорлап кетті деп арызданған.

Белгілі болғандай, Шымкентке қарасты ауылдардың бірінде мектепте өткен жаттығудан кейін үйіне келе жатқан 9 жасар қызды белгісіз біреу зорлап кеткен.

Қылмыстық кодекстің "Зорлау" бабы бойынша қылмыстық іс қозғалып, сотқа дейінгі тергеу амалдары басталды. Күдіктіні ұстау үшін жедел іздестіру шаралары жүргізілуде.

Зорланды деген оқушы қыздың әке-шешесі баланың қазіргі жағдайы мен оқиғаға байланысты қандай да бір ақпарат беруден бас тартып отыр.

Қылмыстық іс қалалық полиция департаменті мен прокуратураның бақылауында.

Бұған дейін Шымкентте ерлі-зайыпты балабақшалардың бірінде 3 жасар қызының зорланғанын мәлімдеген еді.

Қалалық прокуратураның мәліметінше, Шымкентте 2018 жылы бала зорлау қылмысының саны 43-ке жеткен.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз