Алматы облысында 58 жастағы әйел адамды тонаған ер адам ұсталды

Алматы облысының полициясы ауылдасын тонаған жергілікті тұрғынды ұстады, деп хабарлайды Zakon.kz.

Облыстық Полиция департаменті баспасөз қызметінің ақпаратынша, оқиға Іле ауданында орын алған. Аудандық полицияға хабар берген 58 жастағы әйел адам үш күн бұрын үйінің алдында белгісіз біреудің өзіне күш көрсетіп, сөмкесін тартып алып кеткенін хабарлаған.

"Аталған дерек бойынша жедел-іздестіру шаралары ұйымдастырылып, қылмысқа қатысы бар деген күдікті азамат ұсталды. Қазіргі уақытта ҚР ҚК 191-бабына сәйкес сотқа дейінгі тергеу амалдары жүргізілуде. Сондай-ақ, зардап шегушінің қолды болған сөмкесі табылып, ол іс материалдарына айғақзат ретінде тіркелді",- деп атап өтті ведомство өкілдері.

Тергеу барысында күдіктінің алкогольдік ішімдікке мас күйде әрекет еткені анықталды. Ер адам мекен-жайын өзгертпеу туралы міндеттемемен босатылды. Сонымен қатар, тәртіп сақшылары күдіктінің осыған ұқсас өзге де қылмыстарға қатысы болуын тексеруде.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021