Елімізде ақылы жолдар әлі де көбейеді

Фото : avtodorexpo.ua

Республикадағы жолдардың 6 мың шақырымнан астам бөлігі ақылы болады.

Келесі жылдың аяғына дейін тағы 13 жолға арнайы ақы төлеу бекеттері орнатылмақ. Шенеуніктер бұл бюджетке шамамен 30 миллиард теңге табыс түсіреді деген жоспарын айтты, деп хабарлайды Zakon.kz.

– Ақылы жолдардың 3 учаскесінен жыл сайын – 4 миллиард теңге, ал 16 учаскеден – жылына 30 миллиард теңге кіріс түседі, деп болжануда. Сосын жыл соңына дейін тағы 11 арнайы автоматтандырылған есептеуіш құралдарды іске қосу жоспарланған. 2021 жылға қарай ондай құралдардың жалпы саны 46 дана болады,– дейді ҚР инвестиция және даму министрі Жеңіс Қасымбек.

Осылайша, еліміздегі ақылы жолдардың жалпы қашықтығы 6 мың шақырымнан аспақ. Астана – Павлодар, Ақтау – Бейнеу және Қызылорда – Шымкент жолдарымен жүретін жүргізушілерге де ақы төлеуге тура келеді.

Айта кетсек, Қазақстанда әзірге үш жол ғана ақылы: Алматы – Қорғас, Астана – Теміртау және Алматы – Қапшағай тас жолдары. Ол жолдармен жүру құны өзгермейді, бір шақырымға бір теңге болып қала бермек.

Оқи отырыңыз