Жаңалықтар тізбегі
0

Мұғалімдерді "сенбіліктерге" шығуға жүктейтіндер жазаға тартылуы мүмкін

pixabay, сурет - Zakon.kz жаңалық 26.02.2019 15:49 pixabay
Мұғалімдер жалақысын кемінде 300 мың теңгеге дейін өсіруді сұрайды.

Қазақстанда мұғалімдерді "сенбіліктер" мен қоғамдық жұмыстарға тартуға құмар шолақ белсенділер үшін әкімшілік жауапкершілік енгізу ұсынылуда. Мұндай идея "Мұғалім мәртебесі туралы" заң жобасы бойынша Астанада өткен дөңгелек үстел барысында айтылды, деп хабарлайды Zakon.kz "Астана" телеарнасына сілтеме жасап.

Бұдан бұрын мұғалімдер жалақы көлемін кем дегенде 300 мың теңгеге дейін өсіруді сұраған болатын. Сонымен қатар, еңбек демалысы кезінде екі қызметтік жалақы көлеміндегі жәрдемақы беруді сұраған. Бұл нормалар заңның бірінші жобасында жазылған еді. Алайда мемлекеттік органдар мақұлдаса келе ондай нормалардың көпшілігін алып тастады. Соған қарамастан мұғалімдер әлі де ең алдымен жалақыны көтеру керек деген талап қойып отыр.

"- Егер мұғалімдер негізгі міндеттерінен тыс жұмыстарға жегілсе, лауазымды тұлғаға алдымен ескерту жасалады, одан кейін 10 АЕК көлемінде, 25250 теңгеге әкімшілік айыппұл салынады. Міндеттерінен тыс жұмыстар дегеніміз "сенбіліктер", үйлерді аралау", – деді ҚР білім және ғылым қызметкерлерінің салалық кәсіподағы төрағасының орынбасары Айгүл Мұқашева.

Есеп бойынша, қазақстандық жоғары оқу орындары жыл сайын 36 мыңнан астам педагог дайындайды. Соның өзінде жыл сайын мамандар тапшылығы байқалуда. Мұның себептерінің бірі – педагогтер өз мамандығын тастап кетеді.

"– Ең бастысы – мұғалімнің айлығы тым төмен. Сосын жұмыстың жүктемесі ауыр. Мұғалімдердің 66 пайызы жалақының төмен екеніне шағымданады", – деп атап өтті "Астана" халықаралық ғылыми кешенінің басқарушы директоры Серік Ырсалиев.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: