Дәленов биыл доллардың қай межеде болатынын айтты

zakon.kz

Жан басына шаққандағы ЖІӨ 9 409 долларды құрамақ.

Үкімет отырысында Ұлттық экономика министрі Руслан Дәленов 2019 жылға арналған нақтыланған макрокөрсеткіштер жоспарын ұсынды, деп хабарлайды Zakon.kz тілшісі.

– 2018 жылы Жалпы ішкі өнім көлемі 58,8 трлн теңгені құрады. Бұл 2019 жылды бағалау үшін жақсы база, – деді ол.

Оның айтуынша, мұнай өндірісі 2018 жылмен салыстырғанда 1,4 млн тоннаға немесе 1,5% төмендейді.

– Қызмет көрсету секторында жоғары өсім күтілуде. Оған ішкі сұраныстың артуы негіз болады. Сыртқы және ішкі факторларды есепке ала отырып, 2019 жылдың базалық параметрлерін бұрын мақұлданған деңгейде қалдырдық: мұнай бағасы – барреліне 55 доллар; теңге бағамы – бір долларға 370 теңге; жылдық инфляцияның мақсатты коридоры – 4-6%, – деді министр.

Сондай-ақ, ауыл шаруашылығы, құрылыс, сауда-саттық, көлік және қоймалау бойынша өсім жоспарлары өзгермеді.

– Өнеркәсіп өсімі 1,6%-ды құрайды. Өңдеу өнеркәсібінің өсімі тау-кен өнеркәсібінің өсімінен көбірек болады. Экспорт 0,3 млрд долларға көбейіп, 54,4 млрд долларға жеткізілді. Импорт көлемі 32,9 млрд доллар деңгейінде сақталды. 2019 жылы ІЖӨ-нің нақты өсімі 3,8% деңгейінде жоспарлануда. Номиналды ІЖӨ 2019 жылы 64,3 трлн теңге көлемінде болады деп жоспарлануда, бұл осының алдында жасалған жоспардан 323,5 млрд теңгеге артық. Жан басына шаққандағы ЖІӨ 9 409 долларды құрамақ, – деп қосты Дәленов.

Оқи отырыңыз