Жаңалықтар тізбегі
0

Әлем чемпионаты: Қазақстаннан барған 5 зілтемірші 5 "алтынды" қанжығасына байлады

ҚР Ауыр атлетика федерациясы, сурет - Zakon.kz жаңалық 14.03.2019 17:42 ҚР Ауыр атлетика федерациясы
Бұған дейін үш спортшымыз алтын медаль иеленген болатын.

Бүгін Лас-Вегаста ауыр атлетикадан жасөспірімдер арасында өтіп жатқан Əлем чемпионатында қазақстандық спортшылар тағы екі алтын медаль иеленді, деп хабарлайды Zakon.kz bugin.kz басылымына сілтеме жасап.

Қазақстан ауыр атлетика федерациясынан хабарлауынша, бүгін спортшыларымыз екі алтын медальмен жарыс күнін аяқтаған.

"81 келіге дейінгі салмақта өнер көрсеткен Ольга Пастухова қоссайыс бойынша 215 келі салмақты бағындырып (92 келі жұлқи көтеруде жəне 123 келі серпе көтеруде) алтын медаль иеленді. Сонымен бірге, қазақстандық ауыр атлеттердің өнерін Рахат Бекболат керемет аяқтады. 96 келіге дейінгі салмақта өнер көрсеткен ол қоссайыста 323 келі салмақты көтеріп (144 келі жұлқи көтеруде және 179 келі серпе көтеруде) бірінші орынға ие болды", - делінген хабарламада.

Еске сала кетсек, қазіргі уақытта Лас-Вегаста ауыр атлетикадан жасөспірімдер арасындағы Әлем чемпионаты өтіп жатыр. Додада ел намысын бес спортшы қорғады. Чемпионаттағы алғашқы медальды Қазақстан құрамасының қоржынына 16 жастағы спортшы Сайрамкез Ақмолда салған еді. Алматы облысының тумасы 61 келіге дейінгі салмақ санатында алтын жүлде жеңіп алды. Одан соң Қазақстан ауыр атлетика федерациясы сайыстың екінші күні 67 келіге дейінгі Сайхан Тайсуев қоссайыста 288 келі көтергенін (127 келі жұлқа көтеруде және 161 келі серпе көтеруде) хабарлады. Әлем чемпионатында қазақстандық ауыр атлет Сәпи Есенгелді ұлттық команда қоржынына тағы бір алтын медаль салған болатын.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: