Жаңалықтар тізбегі
0

Бұрынғы бас прокурор Қожамжаров сенат депутаты атанды

ПМ, сурет - Zakon.kz жаңалық 20.03.2019 00:00 ПМ
Ол 2017 жылдың желтоқсанан бері еліміздің бас прокуроры болған.

ҚР бұрынғы бас прокуроры ҚР Парламент сенатының депутаты болып тағайындалды, деп хабарлайды Zakon.kz.

– Мемлекет басшысының Жарлығымен Қайрат Пернешұлы Қожамжаров Қазақстан Республикасы Парламенті Сенатының депутаты болып тағайындалды, – делінеді Ақорданың сайтында.

Қайрат Пернешұлы Қожамжаров 1965 жылы 24 наурызда Жамбыл қаласында дүниеге келді.

1987 жылы Жданов атындағы Ленинград мемлекеттік университетін бітірді.

1987-2007 жылдар аралығында прокуратура органдарында, кеден қызметінде, қаржы полициясы органдарында қызмет етті.

2004-2007 жылдар аралығында Ақтөбе облысы бойынша Экономикалық қылмысқа және сыбайлас жемқорлыққа қарсы күрес (қаржы полициясы) Департаментінің бастығы.

2007 жылдың қантар айынан 2008 жылдың желтоқсан айына дейін - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігі (қаржы полициясы) төрағасының орынбасары.

2008 жылдың желтоқсан айынан 2012 жылдың қаңтар айына дейін - Қазақстан Республикасы Экономикалық қылмысқа және сыбайлас жемқорлыққа қарсы күрес агенттігінің (қаржы полициясының) төрағасы.

2012-2013 жылдары – Ақмола облысының әкімі.

2013 жылғы қаңтардан 2014 жылғы тамыз айына дейін - Мемлекет басшысының Жарлығымен Қазақстан Республикасы Президентінің көмекшісі – Қауіпсіздік Кеңесінің хатшысы.

2014 жылдың 6 тамызында Қазақстан Республикасы Президентінің Жарлығымен Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы болып тағайындалды.

2015 жылғы 11 желтоқсанында Елбасының өкімімен Мемлекеттік қызмет істері министрлігінің Сыбайлас жемқорлыққа қарсы іс-қимыл ұлттық бюросының төрағасы болып тағайындалды.

2016 жылдың 13 қыркүйек айынан 2017 жылдың желтоқсан айына дейін - Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы.

2017 жылдың 11 желтоқсанында Қазақстан Республикасы Президентінің Жарлығымен Қазақстан Республикасының Бас Прокуроры болып тағайындалды.

І және II дәрежелі "Даңқ" ордендерімен, "Қазақстан Конституциясына 10 жыл", "Астананың 10 жылдығы" медальдары және өзге де ведомстволық медальдармен марапатталған.

"Қазақстан Республикасының прокуратура органдарының еңбегі сіңген қызметкері" және "Қазақстан Республикасы прокуратурасының ең үздік тергеушісі" атақтарын иеленген.

Қаржы полициясының Генерал-майоры.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: