ШҚО әкімі көпбалалы аналарға пәтер кілтін табыстады
altaynews.kz
Шығыс Қазақстан облысының әкімі Даниал Ахметов Семейдегі көп балалы аналарға пәтер кілтін табыстады, деп хабарлайды Zakon.kz Алтайньюс-ке сілтеме жасап.
Көп балалы алты бірдей ана аймақ басшысының қолынан пәтер кілтін алды. Семейдің Қарағайлы ауданынан берілген баспаналар – өте аз төлемақысы бар, сатып алу құқығынсыз берілген пәтерлер.
– Біз Елбасы тапсырмасына орай алғашқы маңызды қадамдар жасадық. 200 отбасына пәтер кілттерін табыстадық, – деді облыс әкімі Даниал Ахметов. – Қазақстанның гүлденуі үшін біз халықтың әл-ауқатын арттыруымыз қажет.
– Елбасына рахмет! Барлығына бейбіт өмір тілеймін. Балалар аман болсын, – деді көп балалы аналардың бірі Айбүбі Айсанова.
– Бұл Қарағайлы ауданы мен үшін орны бөлек. Семейді алға дамыту үшін қолға алынған шағын аудан. Сондықтан да көп пәтерлі үйлердің сыртқы келбетін өзгертіп, көркейтіп отыруды құрылысшыларға тапсырамын, – деп түйді Даниал Ахметов.
