Жаңалықтар тізбегі
0

Халық шешсін. Зеленский Ресей мәселесін референдумға шығарады

112.ua, сурет - Zakon.kz жаңалық 22.05.2019 15:25 112.ua
Референдум – қоғамда жік тудыруы мүмкін шешімдердің қабылдануына жол бермейді.

Украина президенті Владимир Зеленский Ресеймен арадағы келіссөздер мәселесі туралы референдум өткізеді. Бұл туралы президент әкімшілігінің басшысы Андрей Богдан мәлемдеді, деп хабарлайды Lenta.ru.

Богданның айтуынша, Мәскеумен арадағы қарым-қатынасты қалай реттеу мәселесіне ел азаматтары араласуы тиіс.

– Ресеймен келіссөздер жүргізу мәселесін жалпыхалықтық референдумға шығармақпыз. Шешімді тек президент, тек депутаттар ғана емес, Украина халқы қабылдауы керек, – деді ол "112 Украина" телеарнасының эфирінде.

Президент әкімшілігі басшысының сөзінше, референдум – қоғамда жік тудыруы мүмкін шешімдердің қабылдануына жол бермейді. Сондай-ақ, Богдан атап өткендей, Донбасс жөніндегі келіссөздерде ортақ мәмілелер іздеу керек, алайда Украина "жері мен адамдарын саудаға салмайды".

20 мамырда өткен инаугурация кезінде Владимир Зеленский Донбасстағы соғысты тоқтатуды міндет ететінін айтқан еді.

Ал Донбасстағы өз егемендігін жариялаған республикалар тұтқын алмасуға дайын екенін, бірақ алдымен Зеленскийден нақты ұсыныстар күтетінін жеткізген.

Украинаның оңтүстік-шығысындағы қарулы қақтығыс 2014 жылдың сәуірінде басталған еді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: