Жаңалықтар
Басқа бұқаралық ақпарат құралдарында
Загрузка...
Оқи отырыңыз

Алматыда "Алиев" ҰҚТ-ның жетекшісі мен қатысушыларына қатысты сот үкімі шықты

Қылмыстық топтың негізін бұрынғы құқық қорғау органдарының қызметкерлері құраған.

Сурет : knb.gov.kz23 Мамыр 2019, 10:32

2019 жылғы 15 мамырда Алматы қаласының Қылмыстық істер бойынша мамандандырылған ауданаралық соты "Алиев" ҰҚТ жетекшісі Қадыр Алиевке және қылмыстық топқа қатысушылар Аңсар Дартаевқа, Дмитрий Терешин мен Ерсен Жұмабаевқа қатысты үкім шығарды, деп хабарлайды Zakon.kz ҚР ҰҚК баспасөз қызметіне сілтеме жасап.

Сотталғандардың төртеуі де ҚР ҚК 125-бабының 2-б. 1), 8) тармақтарымен, 191-бабының 4-б. 2) тармағымен, 287-бабының 3-б. және 390-бабының 2-б. (адам ұрлау, тонау, қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру, билік өкілінің немесе жауапты мемлекеттік лауазым атқаратын лауазымды адамның атағын өздігінен иемдену) көзделген қылмыстарды жасағаны үшін кінәлі деп танылды.

Ұйымдасқан қылмыстық топтың жетекшісі мен оған қатысушылар К. Алиев, А. Дартаев, Д. Терешин мен Е. Жұмабаев 7 жыл және 1 айға бас бостандығынан айыру мен қауіпсіздігі орташа түзеу мекемесінде жазасын өтеуге сотталды.

Бұрын хабарланғандай, 2018 жылғы 10 қазанда Алматыда ҚР Ұлттық қауіпсіздік комитеті Ішкі істер министрлігімен бірлесіп, Алматы облысының тұрғыны К. Алиевтің жетекшілігіндегі аса қауіпті ұйымдасқан қарулы қылмыстық топтың әрекетін анықтап, жолын кесті.

Қылмыстық топтың негізін бұрынғы құқық қорғау органдарының қызметкерлері құраған. Олар 2018 жылғы 13 қыркүйекте Жамбыл облысында Отар станциясында кәсіпкер Р. Агалюллинге қарулы шабуыл жасап, 107 мың доллар, 4 миллион рубль және 23 мың евро иемденген.

Тінту іс-шаралары барысында ұсталғандардан 8 тапанша мен қару, 140 дана оқ-дәрі, радиостанциялар, автомобильдердің жалған номерлік тіркеу белгілері, матадан жасалған бетперделер, кісендер мен басқа да қарақшылық шабуыл жасауға арналған құралдар табылып, тәркіленді.

Жүргізілген жедел-тергеу іс-шараларымен ұрланған ақшалай қаражат жәбірленушіге қайтарылды.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Қызықты
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер