Назарбаев: Біз өзімізде шығатын тауарды импорттап келеміз

29 Мамыр 2019, 14:45
Сурет: ҚР СІМ

Импортты сараптап, ол тауарларды ЕАЭО елдерінің өзі өндіруі қажет. Бұл туралы Жоғары Еуразиялық экономикалық кеңес отырысында кеңестің құрметті төрағасы, Қазақстанның Тұңғыш президенті Нұрсұлтан Назарбаев ұсынды, деп хабарлайды Zakon.kz тілшісі.

– Ақылды интеграция форматы. Біздің нені импорттайтынымызды сараптау керек. Мен біздің қазақстандық құрылымға қарадым, инфляцияның 50% тауар импортынан келеді. Ал не импорттайтынымызға қарасақ, оның ішінде өзімізде өндірілетін тауарлардың бәрі жүр, – деді Назарбаев.

Оның сөзінше, импортталатын тауарлардың ішінде туфли, бәтіңке, шұлық-нәски, тіпті азық-түлік те бар.

– Бірақ оның бәрі біздің елдерде өндіріледі. Неге өзімізде өндірмеске? Комиссия аясында осыған сараптама жасайтын адамдар тобын құруымыз қажет. Біз тіпті әскерилердің киіміне дейін импорттайды екенбіз. Нарықты кеңейту, ақша табу мен жұмыс орындарын ашуға қандай кең мүмкіндіктер бар екенін көре тұра, мұндайға жол беру масқара, – деп атап өтті Қазақстанның Тұңғыш Президенті.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?