Арысты жөндеуге 34,5 млрд теңге қажет

NewTimes.kz NewTimes.kz
Бұл алдын ала жасалған есеп, шығындар әлі де саналуда.

Премьер-министрдің бірінші орынбасары – ҚР қаржы министрі Әлихан Смайылов Парламент Сенатының пленарлық отырысында Арысты қалпына келтіруге қанша қаражат қажет болатынын айтты, деп хабарлайды Zakon.kz тілшісі.

Арыс туралы мәселені депутат Әли Бектаев көтерген болатын.

– 1 шілдеде жасалған алдын-ала есептер бойынша, 34,5 млрд теңге қажет, оның ішінде 4,5 млрд теңге әрбір тұрғынға 100 мың теңгеден төлем жасауға көзделген. Соған байланысты үкімет резервінен 2 млрд теңге, Түркістан облысының бюджетінен 1 млрд теңге, гуманитарлық көмек ретінде 1,5 млрд теңге қамтылды, – деді Смайылов.

Оның сөзінше, 7 709 тұрғын үйді қалпына келтіру керек, оның ішіндегі 49 үй құлап қалған.

– Үйлерді қалпына келтіру үшін 19,2 млрд теңге қажет. 66 әлеуметтік нысанды жөндеуге 7 млрд теңге керек болады. Қалада 54 білім беру нысаны, 8 денсаулық сақтау нысаны, 4 спорттық нысан бар, – деді ол.

Министр Арыстағы электр желілерін, жылу желілері мен инфрақұрылымды жөндеуге үкімет резервінен 2,2 млрд теңге бөлінетінін айтты.

– Жалпы, үкімет резервінен – 15,5 млрд теңге, жергілікті бюджеттерден - 10,6 млрд теңге жоспарланған, "Самұрық-Қазынадан" 6 млрд теңге, демеушілер мен гуманитарлық көмек – 2,5 млрд теңге. Бірақ барлығын санап болғаннан кейін бұл сома өзгеруі мүмкін. Сонымен қатар, "Бәйтерек" холдингі Арыс қаласының шағын және орта бизнесі үшін алты айлық жеңілдетілген кезеңімен 48 айға 1 пайызбен 5 млн теңгеге дейін несие береді, – деді ол.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз