Ақылы жол терминалынан ұшып өтіп, оңбай соғылған көліктің видеосы бар екен

zakon.kz zakon.kz
Полицейлер көлік жүргізушісін медициналық сараптамаға жіберді.

"QazAvtoJol" "ҰҚ" АҚ кеше кешкісін Алматы-Қорғас жолындағы терминалда болған жол апатының видеосын ұсынды, деп хабарлайды Zakon.kz.

- 30 жастағы жүргізуші көлік ішінде жалғыз болған. Ол дін аман. Полицейлер жүргізушіні медициналық сараптамаға жіберіп, көлігін айып тұрағына әкетті, - деді "QazAvtoJol" "ҰҚ" АҚ баспасөз қызметінің жетекшісі Маржан Ордабай.

Бұрын хабарланғандай, Алматы – Қорғас ақылы жолының ақша төлейтін терминалы алдында жол-көлік оқиғасы орын алды. Алматы бағытындағы Nissan Primera жүргізушісі белгісіз себептермен үлкен жылдамдықпен келіп терминалға ақша төлемек түгіл тоқтамастан өте шығып, ар жағындағы бетон бордюрге оңбай соғылды.

Быт-шыт болған Nissan-ға терминал қызметкерлері жақындағанда жүргізуші мыжылған көлік ішінде жатқан. Оқиға орнына жедел жәрдем шақырылды. Дәрігерлер келгенде есін жиған жүргізуші шашылған бөлшектерін жинап, көлігінің ішіне сала бастады.

Бірақ жүргізуші ақыры ауруханаға жеткізілді. Куәгерлер ол жүргізушінің сау күйде екеніне күмән келтіретінін айтқан.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз