Жаңалықтар тізбегі
0

Н.Нығматулин: Үндістан Қазақстанның Оңтүстік Азиядағы маңызды әріптесі

Мәжілістің баспасөз қызметі, сурет - Zakon.kz жаңалық 12.11.2019 21:30 Мәжілістің баспасөз қызметі
Нығматулин екі ел арасындағы қарқынды саяси диалог алдағы уақытта ортақ мүдделер жолында белсенді дами беретініне сенім білдірді.

Бүгін Парламент Мәжілісінің Төрағасы Нұрлан Нығматулин Үндістан Республикасының Мемлекеттік Сыртқы істер министрі, Парламент істері жөніндегі Мемлекеттік министрі Велламвелли Муралидхаранмен кездесті, деп хабарлайды Zakon.kz.

Тараптар екіжақты, соның ішінде, парламентаралық қатынасты дамытудың өзекті сұрақтарын талқылады.

Мәжіліс Төрағасы Қазақстанның Тұңғыш Президенті, Елбасы Нұрсұлтан Назарбаев тәуелсіздік алған бірінші күннен бастап, Үндістанмен өзара қарым-қатынасты нығайтуға ерекше көңіл бөліп келе жатқанын, ал Мемлекет Басшысы Қасым-Жомарт Тоқаев Қазақстанның мұрагерлік сыртқы саясатын қамтамасыз ететінін атап өтті.

Н.Нығматулин екі ел арасындағы қарқынды саяси диалог алдағы уақытта ортақ мүдделер жолында белсенді дами беретініне сенім білдірді.

Осы жолда парламентаралық ынтымақтастық үлкен рөл атқарады. Мәжіліс Төрағасының пікірінше, бейінді комитеттер мен достық топтар арқылы тығыз іскерлік байланыс орнатып, заң шығармашылық қызметінде тәжірибе алмасудың маңыздылығы зор.

Өз кезегінде мәртебелі мейман Қазақстан мен Үндістанның ғасырлардан жалғасқан рухани үндестігі барын алға тартты. Велламвелли Муралидхаран сондай-ақ, Үндістанға бірнеше рет келіп, екі ел арасындағы мәдени тамырластықты одан әрі тереңдетумен қатар, әріптестік қатынасты күшейтуге серпін бергені үшін Қазақстанның Тұңғыш Президенті Нұрсұлтан Назарбаевқа Үндістан халқының құрметі ерекше екенін атап өтті.

Кездесу иелері Еуразиялық Экономикалық Одақ аясында ықпалдастық біздің елдеріміз үлкен мүмкіндіктерге жол ашқанын айтып, басым бағыттар қатарында энергетика, логистика, ақпараттық технология, туризм салаларына тоқталды.

Нұрлан Нығматулин атап өткендей, үндістандық әріптестермен бірлескен жұмыс парламенттер арасындағы байланысты нығайтып қана қоймай, елдеріміздің стратегиялық ықпалдастығын жан-жақты дамытуға мүмкіндік береді.

, сурет - Zakon.kz жаңалық 12.11.2019 21:30

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: