Жаңалықтар
Басқа бұқаралық ақпарат құралдарында
Загрузка...
Читайте также

"Апаттан соң ұшақ билеттерінің бағасы шарықтап кетті" деген ақпарат жалған болып шықты

Осыдан екі күн бұрын Bek Air кассаларында кезек болған. Алайда, қазір жолаушылар еш кешігусіз, уақыттарымен келіп-кетіп жатыр.

Сурет : Алматы ТВ31 Желтоқсан 2019, 09:41

"Алматыда әуе апаты орын ала салысымен, әуежайда билеттер қайтарылмай жатыр, құны да қымбаттап кеткен" деген дүрбелең хабар таратқандар болды, бірақ бұл мәлімет шындыққа еш жанаспайды, деп хабарлайды zakon.kz Almaty телеарнасына сілтеме жасап.

" Кассалардың алдында ешқандай ұзынсонар кезекті көрмедік. Ал, әуежайда өз рейстерін күтіп отырғандар барлық ұшақтың уақытылы келіп-кетіп жатқанын айтады. Дүрлігіп жүргендерді көрмедік дейді. Сұрастырған бұл арадағы адамдар да билетке қатысты ешқандай проблема туындамаған айтты. Халықаралық Алматы әуежайының өкілдері апат болған күні кассада кезектің болғанын жеткізді. Бірақ қазіргі жағдай қалыпты", - дейді телеарна тілшісі.

"Осыдан екі күн бұрын Bek Air кассаларында кезек болған. Шамамен 20 адамдай. Алайда, қазір өздеріңіз көріп тұрсыздар, жолаушылар еш кешігусіз, уақыттарымен келіп-кетіп жатыр. Өзге әуе компаниялары өз мойнындарына алып, тасымалдап жатқан көрінеді", – деді Алматы халықаралық әуежайының вице-президенті Бақытхан ӘБДІРАСЫЛОВ.

Bek Air 27 желтоқсаннан 2020 жылдың 10 қаңтарына дейін 19 мыңға жуық билет сатқан екен. Қазіргі уақытта билеттерді қайтару жұмыстары жүріп жатыр. Ал онлайн сатып алғандар, дәп солай қайтара алады. Тек "күшін жою" деген батырманы басса болғаны. Бұдан бөлек, қосымша рейстер қатынайды. Мәселен, Эйр Астана Нұр-Сұлтаннан Алматыға және Алматыдан Атырауға қосымша 5 рейс ашып отыр. Сонымен қатар, Bek Air дің тұтынушылары бастапқы бағамен "Эйр Астана", "Qazaq Air" және "SCAT" әуе компанияларының ұшағына отыра алады.

"Әзірше біз 500-ден астам жолаушыны қабылдадық. Апатқа ұшыраған рейсінде жолаушылардың туыстарын тегін тасымалдадық. Және қазіргі кезде 53 адамды тегін тасымалдап болдық", – деді Air Astana ұлттық әуе компаниясының корпоративтік коммуникациялар жөніндегі менеджері Тілек ӘБДІРАХЫМОВ.

Сонымен қатар барлық бағыттар бойынша қосымша вагондар қосылады. Ал бүгін Нұр-Сұлтаннан Алматы бағытында қатынайтын жаңа бір реттік пойыз іске қосылды. Мұндай ақпарды "Жолаушылар тасымалы" акционерлік қоғамының ресми өкілі Диас Ахметшәріп беріп отыр.

"Ол жерде тек жаңа вагондар. Біздің Нұр-Сұлтан қаласында орналасқан "Тұлпар" вагон құрастыру зауытында құрастырылған ресей технологиясына сай. Сол себепті бір реттік пойызды іске қосып отырмыз. Ол пойыз Алматыға барғаннан кейін Алматы-Маңғыстау бағыты бойынша тұрақты түрде қатынайтын болады. Сонымен қатар, мына Жаңа жылдық мерекелердің алдында біз Қазақстандағы барша бағыттар бойынша 500-ге жуық қосымша вагонды тіркейік деп отырмыз" – деді "Жолаушылар тасымалы" АҚ ресми өкілі Диас АХМЕТШӘРІП.

Алматы вокзалдарында да жағдай қалыпты. Билет жетіспеушілік байқалмайды. Ғимаратта мұнша адамның көптігі қалыпты дейді осындағы қызметкерлер. Жаңа жыл қарсаңында вокзалдағы адам саны еселене түседі. Жалпы, жолаушылар ұшақпен де, пойызбен де діттеген жеріне қиындықсыз сапарлап жатыр.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер