Тоқаев Бейсен Құранбектің отбасына қайғырып, көңіл білдірді

Мемлекет басшысы Қасым-Жомарт Тоқаев белгілі журналист, "Жетісу" телеарнасының директоры Бейсен Құранбектің қайтыс болуына байланысты оның отбасы мен жақын туыстарына көңіл айтып, жеделхат жолдады, деп хабарлайды zakon.kz.

Бұл туралы ҚР Президентінің баспасөз хатшысы Берік Уәли Facebook-тегі парақшасында жазды.

"Белгілі журналист, танымал тележүргізуші Бейсен Құранбектің дүниеден өтуіне байланысты ауыр қайғыларыңызға ортақтасып, көңіл айтамын. Бейсен Құранбек қазақ журналистикасында өзіндік орны бар, кәсіби қолтаңбасын қалыптастырған азамат еді. "Қазақстан" ұлттық телеарнасындағы "Айтуға оңай", "Қарекет" бағдарламаларын жүргізіп, елдің ыстық ықыласына бөленді, халықтың алғысын алды. Ол Алматы облыстық "Жетісу" арнасының директоры ретінде білікті басшы, ұтқыр ұйымдастырушы екенін де көрсете білді. Марқұмның топырағы торқа, жатқан жері жайлы, иманы саламат болсын!", – делінген жеделхатта.

Айта кетсек, 18 мамырда 49 жастағы белгілі журналист Бейсен Құранбек дүниеден озды. Ол Қазақстан Республикасы Президенті сыйлығының иегері, сонымен бірге Қазақстан Республикасының мәдениет қайраткері атағына ие.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021