Павлодар облысының бұрынғы әкіміне қатысты сот үкімі шықты

27 Мамыр 2020, 12:28
Сурет: zakon.kz

Павлодар облысының экс-әкімі Болат Бақауов 3,5 жылға бас бостандығынан айырылды, деп хабарлайды zakon.kz.

Сот отырысы онлайн форматта өтті.

Сот Болат Бақауовты қызмет бабын асыра пайдаланды деп тапты.

Ол пробациялық бақылау орнатумен және мемлекеттік қызметте лауазымға орналасу құқығынан өмір бойына және мемлекеттік наградалардан айырумен 3,5 жылға бас бостандығын шектеуге сотталды.

Сот бұрынғы әкімді бостандықты шектеудің бүкіл мерзіміне қоғамдық орындарда мәжбүрлі жұмысқа тарту туралы шешім қабылдады.

Үй қамағы түріндегі бұлтартпау шарасы жойылды. Бұрынғы әкімнің мүлкіне салынған тыйым алынды.

Бұған дейін прокурор оған мемлекеттік қызметтегі лауазымдарды атқару құқығынан және мемлекеттік наградалардан айырумен 3 жыл 6 айға бас бостандығын шектеуді сұраған болатын.

Естеріңізге сала кетейік, Бақауовқа қызмет бабын асыра пайдаланды деген айып тағылған.

2019 жылдың желтоқсан айында Бақауовтың туысына тиесілі "AksuTransLogistic" кәсіпорнында 200 миллион теңгеден асатын салық заңнамасын бұзушылықтар анықталған. Бұрынғы әкім МКД шенеуніктерінен салықтық тексерудің шынайы нәтижелерін жасыруды және қосымша есептеулердің сомасын 3 миллионнан астам теңгеге дейін төмендетуді талап етті.

Әкімнің талабы орындалды.

Нәтижесінде, қаңтарда оны Ұлттық қауіпсіздік комитетінің қызметкерлері ұстады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?