Жаңалықтар
Басқа бұқаралық ақпарат құралдарында
Загрузка...
Читайте также

ЕАЭО елдерінде "Шекарасыз жұмыс" бірыңғай іздеу жүйесі іске қосылады

Бүгінде Одақтың құрамына Қазақстан, Армения, Беларусь, Қырғызстан және Ресей мемлекеттері кіреді.

Сурет : ca-portal.ru24 Шілде 2020, 12:03

Біріздендірілген іздеу жүйесі іске қосылғаннан кейін ЕАЭО елдерінің азаматтары мен ұйымдары экономикалық одаққа мүше-мемлекеттердегі бос жұмыс орындарын пайдалана алады және сол елдің азаматтарын қызметке жалдай алады, деп хабарлайды zakon.kz.

"Еуразиялық экономикалық одақ" туралы шартта - одақ шеңберінде тауарлардың, қызметтердің, капиталдың және жұмыс күшінің еркін қозғалысын қамтамасыз ету көзделген. Бүгінде Одақтың құрамына Қазақстан, Армения, Беларусь, Қырғызстан және Ресей мемлекеттері кіреді.

Қазіргі уақытта Одаққа мүше барлық мемлекеттер "Шекарасыз жұмыс" біріздендірілген іздеу жүйесі" атты жобаны іске асыруда. Іздеу жүйесі жұмысқа орналастыру және жұмыспен қамту саласындағы ЕАЭО-ға мүше мемлекеттердің ақпараттық жүйелеріндегі бос жұмыс орындары мен жұмыс іздеушілер туралы ақпаратқа қол жеткізуді қамтамасыз етеді. Жобаға бес елдің қолданыстағы ұлттық жүйелері іске қосылған.

Қазақстан Республикасы тарапынан жобаның үйлестірушісі Қазақстан Республикасы Еңбек және халықты әлеуметтік қорғау министрлігі, ұлттық операторы – "Еңбек ресурстарын дамыту орталығы" АҚ, ұлттық жүйе – Электрондық еңбек биржасы www.enbek.kz (бұдан әрі – ЭЕБ).

Жобаны іске асыру нәтижесінде ЭЕБ порталында авторландырылған пайдаланушылар (ізденушілер мен жұмыс берушілер) Одақтың ұлттық жүйелерінде бос орындар мен түйіндемелерді іздестіре алады. Бұл ретте бір немесе бірнеше мүше мемлекеттердің аумағында жұмыс іздеуді немесе персоналды іріктеуге, бос орындар мен түйіндемелерді қарауға, сондай-ақ ізденуші мен жұмыс беруші арасында байланыс жасау, тіпті азаматты әңгімелесуге шақыру мүмкіндігі болады.

ЕАЭО мүше мемлекеттердің ұлттық жүйелерінде "Шекарасыз жұмыс" біріздендірілген іздеу жүйесін 2020 жылдың 4-ші тоқсанында іске қосу жоспарланған.


Telegram арнасындағы маңызды жаңалықтар «zakon.kz». Жазылу!

қате туралы хабарлау
Қате туралы хабарлау
Қате мәтін:
Түсініктеме:
Қазір оқулыда
Басқа жаңалықтар
Загрузка...
Жаңалықтар мұрағаты
ДүСейСәрБеЖұСенЖе
Соңғы пікірлер
Соңғы пікірлер