Жаңалықтар тізбегі
0

Шенеуніктің баласы әкесінің қызметтік көлігімен адам қағып өлтірді

Courtesy Photo, сурет - Zakon.kz жаңалық 22.01.2021 22:26 Courtesy Photo
Марқұмның артында екі ұлы, үш қызы қалды.

Өзбекстандағы Қашқадария облысы Касан ауданының 59 жастағы тұрғыны Шерәлі Жұмақұловты 12 желтоқсанда аудан әкімі Асрол Байқараевтың қызмет көлігі қағып кетті. Жұмақұлов оқиға орнында қаза тапты. Марқұмның жақын туыстарының айтуынша, қызмет көлігін Касан ауданы әкімінің 19 жастағы баласы басқарған, оның қасында әкім отырған. Көлік салонында әкімнің әйелі мен қызы болған, деп жазады centralasian.org.

Асрол Байкараев пен оның отбасы оқиға орнынан тез кетіп қалған. Аудан әкімінің тапсырмасымен, көлікті әкім орынбасары Рахим Жураев басқарған деген хаттама толтырылған.

Ішкі істер министрлігіндегі шенеуніктердің айтуынша, "бұған аудан әкімі мен отбасын қатыстырмай, істі жауып тастау туралы ауызша бұйрық түскен".

Аудан әкімшілігінің баспасөз хатшысы Дилшод Нәбиев жол апатына әкім мен оның отбасының қатысы жоқ деп отыр.

Куәгерлердің айтуынша, жол апаты 12 желтоқсанда кешкі сағат тоғыз шамасында болған. Қара түсті "Chevrolet Captiva" қызмет көлігі қатты жылдамдықпен жаяу кісілер өтетін жолақтан өтіп бара жатқан 60 жастағы Шерәлі Жұмақұловты қағып кеткен. Соққының қатты болғаны сонша, көліктің оң жақ қанаты ішке қарай майысып кеткен.

"Озодлик" редакциясы жол апатының үш куәгерімен сөйлесті. Олар аудан әкімі тарапынан қысым бола ма деп қорқады, бірақ әділ тергеу өткізілсе, куәлік етуге дайын отыр.

Марқұм Шерәлі Жұмалиев жедел жәрдем ауруханасында жүргізуші болып істеген. Оның артында екі ұлы, үш қызы қалды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: