Қазақстан жекелеген өнім түрлерінің айналымы туралы ЕАЭО келісімін ратификациялады

13 Мамыр 2021, 16:51
Сурет: inbussines.kz

Мемлекет басшысы "Еуразиялық экономикалық одақтың техникалық регламенттерінде талаптар белгіленбеген өнімнің Еуразиялық экономикалық одақ шеңберіндегі айналысының тәртібі және мұндай өнімнің қауіпсіздігін қамтамасыз ету қағидалары туралы келісімді ратификациялау туралы" Қазақстан Республикасының Заңына қол қойды, деп хабарлайды zakon.kz Ақордаға сілтеме жасап.

Заңның мақсаты - ЕАЭО аумағында айналымға түсетін барлық өнімдердің қауіпсіздігін қамтамасыз ету.

ҚР Сауда және интеграция министрі Бақыт Сұлтанов бұрын түсіндіріп өткендей, бүгінгі таңда тауарлардың 85% -ы Одақтың бірыңғай техникалық регламенттерімен реттелген: тамақ өнімдері, балалар өнеркәсібіне арналған тауарлар, жеңіл өнеркәсіп, машина жасау және тағы басқалары.

Осы заң өнімнің келесі түрлерін реттеуді көздейді: Одақтың бірыңғай техникалық регламенттері қабылданбаған немесе әлі күшіне енбеген тауарлар; Одақ деңгейінде белгіленген, бірақ өнімнің бірыңғай тізіміне енгізілмеген тауарлар.

Заңның мәтіні алдағы күндері баспасөзде жарияланады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?