Шіліктіде аспан астындағы мұражай салынады

7 Маусым 2021, 10:46
Сурет: altaynews.kz

ШҚО, Зайсан ауданы, Шілікті ауылына жол салынып жатыр, деп хабарлайды zakon.kz.

Altaynews.kz мәліметі бойынша, Тасбастау ауылынан бастап Зайсанға қарай салынып жатқан тау ішіндегі жолдың ұзындығы 60 шақырымды құрайды.

Аудан әкімі Серік Зинабекұлының айтуынша, жол салу жұмыстарына облыстың қазынасынан 1 миллиард 800 миллион теңге бөлінген. Жолдың 20 шақырымы ағымдағы жылдың соңына дейін салынса, 40 шақырым жол келесі жылы салынады деп отыр.

Сонымен қатар, биыл Шілікті ауылына газ тарту жұмыстары басталады. Ал ең басты жаңалық - археологтар мен ауыл үлкендері талай жылдан бері күткен Шілікті қорымдарының ашық аспан астындағы мұражайы ақыры салынатын болды. Облыс әкімі Даниал Кенжетайұлының қатысуымен алдағы уақытта болатын баспасөз кездесуінде бұл туралы кеңінен талқыланып, тапсырмалар берілетіндігін жеткізді аудан басшысы.

Шілікті мен Жалши ауылдарының арасына салынатын мұражай-қорықтың құрылысына облыс қазынасынан 400-450 миллион теңге жұмсалмақ.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?