Қазақстанда пара беру туралы жиналыста ашық айтыла бастады

21 Маусым 2021, 09:30
Сурет: mk.ru

Маңғыстау облысында қызметкерлеріне пара беру тәсілін айтып, өз тәжірибесімен бөліскен бөлім басшысы жұмыстан босатылды. Оның бұл әрекеті мемлекеттік қызметтің беделіне нұқсан келтіріп, әдеп кодексін бұзу деп танылды, деп хабарлайды zakon.kz КТК-ға сілтеме жасап.

- Француз үйінен 50 мыңды былай қойып, екеуіне 25 мыңнан әтір алып берсем, "иә, нормально, иә", - деді. Солай емес пе? Сонда қарым-қатынас жақсы болады.

Әлеуметтік желіде таралған видеода Мұнайлы ауданы кәсіпкерлік және ауыл шаруашылығы бөлімінің басшысы Бахтияр Қуанышбек қызметкерлеріне облыстағы екі басқарма бастығына 50 мың теңгеге Montale атты қымбат француз әтірін сыйлайтынын айтып мақтанған. Тіпті бастығыңа сый-сияпат жасасаң, достығың ұзағынан болады деп өзгелерге ақыл айтып жатыр. Ол видеода аталған басқарма басшылары, кейде кешкісін қайда жүргенін сұрап, хабарласатынын да жасырмады. Қымбат сыйлық жасап көңілін тапсам, орынтаққа да ұзағынан отыруға болатынын айтып қояды.

Бахтияр Қуанышбек Мұнайлы ауданы кәсіпкерлік және ауыл шаруашылығы бөлімінің басшысы міндетін атқарушы болып жақында тағайындалған. Үш ай сынақ мерзімі бітпей жатып, енді осы видеоның кесірінен жұмыссыз қалды.

Бақтияр Қуанышбек:

- Өзімнің басқарма бастықтарым Жанна Жұмабаевна мен Венера Тұрановнадан да тікелей кешірім сұраймын. Себебі, ешқандай арамызда сыйлық бойынша келісім болған жоқ. Облыс, аудан әкімдіктерінен де кешірім сұраймын.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?