Өзбекстанда ұятсыз картинаны көрсеткен телеарна дауға қалды

24 Маусым 2021, 16:27
Сурет: gazeta.uz

Өзбекстандағы балалар мен жасөспірімдердің "Аклвой" телеарнасы осы аптада жаңа қызметкер алатынын жариялады. Қызметкер "материалдардан өзбек менталитеті мен рухына қайшы суреттер мен көріністерді іздеумен" шұғылданады, деп хабарлайды Орталық Азияның жаңалықтар қызметі.

Телеарнаның бір қызметкері осылай деп хабарлады. Оның айтуынша, мұндай қызмет "Sevimli" және "Zu'r TV" телеарналарында бар.

Біз қосымша тағы бір қызметкер жалдадық. Ол біздің рухымызға сәйкес келмейтін көріністерді қиып тастаумен айналысады, - дейді телеарна қызметкері.

Бұның алдында "Аклвой" телеарнасының бір қызметкері "ұят көріністер көрсеткені үшін" жазаланған.

Осы телеарнада көрсетілген "Шахерезада" және "Арт - Одиссея" мультсериалдары әлеуметтік желі қолданушылардың сынына ұшыраған.

"Арт – Одиссея" мультфильмінде Қайта өркендеу дәуірінің суретшісі Сандро Ботичеллидің (1445-1510) "Венераның дүниеге келуі" туындысы көрсетілген. Өзбек көрермендерінің сынына ұшыраған "Арт-Одиссея" мультфильмі бұған дейін әлемнің ондаған елінің балалар арналарында көрсетілген.

Бұған қоса, Өзбекстандағы көрермендердің бірқатар Алладин мен ханшайымның сүйісуін көрсетуге қарсы шыққан. Бұл мультфильмді де "Аклвой" телеарнасы көрсеткен.

Қоғам сынынан соң, телеарна басшылығы "ұят көріністер үшін" бір қызметкерді жазалағанын хабарлады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?