Павлодар облысы елордаға Қаныш Сәтбаевтың ескерткішін орнатып береді

30 Маусым 2021, 16:23
Сурет: pavlodarnews.kz

Павлодар облысында елорда күніне орай қандай шаралар өтетіні белгілі болды, деп хабарлайды zakon.kz.

Pavlodarnews.kz онлайн өткен баспасөз жиынында Павлодар облысының мәдениет, тілдерді дамыту және архив ісі басқармасы басшысының міндетін атқарушы Сәуле Оспанова мерекелік шаралар барысында 3 шілде күні Астана күні қарсаңында Нұр-Сұлтан қаласында Қаныш Сәтбаев ескерткішінің ашылуы өтетінін айтты.

Ескерткіш Павлодар облысының әкімдігі атынан Нұр-Сұлтан қаласының әкімдігіне сыйға тартылады. Оның авторы – белгілі мүсінші, бірқатар үлкен ескерткіштердің авторы Асқар Нартов. Ескерткіш елордадағы Қаныш Сәтбаев пен Қажымұқан Мұңайтпасов көшелерінің қиылысындағы "Қазақстан" спорт кешенінің алдында орнатылады, - деді Сәуле Оспанова.

Ескерткіш қоладан құйылып, биіктігі 5,25 м, салмағы 4,9 тоннаны құрайды. Тұғыр тасы граниттен жасалып, биіктігі – 5,8 м, салмағы – 3,6 тоннаны құрайтын болады.

Сондай-ақ Астана күніне Павлодар облысы бойынша 270-тен астам іс-шара өткізу жоспарланды. Оның 30-дан астамы облыстық мәдениет кәсіпорындары мен мекемелерінде өткізілетін болады.

Оның ішінде мерекелік концерттер, акциялар, викториналыр, көрмелер, квесттер, челлендждер, дәрістер, дөңгелек үстелдер, әдеби және музыкалық кештер және басқа да шаралар бар.

Айта кетейік, Астана күніне орай өтетін шаралар басқарманың және қалалық әкімдіктің сайттарында, әлеуметтік желілердегі парақшаларында жарияланады.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?