У-шу жұрт. Түн ортасында Талғар жолындағы кептеліс

12 Шілде 2021, 10:31
Сурет: видеодан алынды

11 шілдеде Талғар ауданындағы екі тұрғын үй кешенінің тұрғындары Алматы-Талғар тас жолын жауып тастады, деп хабарлайды zakon.kz.

"Алма Тау" мен "Нұрия" тұрғын үй кешенінің ашуланған тұрғындары пәтерлерінде судың жоқтығынан көшеге шыққан.

Талғар ауданы әкімдігінің баспасөз қызметінің хабарлауынша, бұл аумақтағы құбырда апат болған, соның салдарынан су жоқ.

Екі күн бойы су болмады. Жөндеу жұмыстары жүріп жатыр. 12 шілдедегі түске дейін су берілуі тиіс, - деп атап өтті ведомствадағылар.

Посмотреть эту публикацию в Instagram

Публикация от @kris_p_kz +21 | ????????Kz (@kris_p_kz)

Облыстық полицияның хабарлауынша, олар наразы жергілікті тұрғындармен сөйлескен.

11 шілдеде сағат 22:58 шамасында Бесағаш елді-мекенінде "Нұрия" тұрғын үй кешенінің 80-ге жуық тұрғыны Алматы-Талғар тас жолын жауып тастады. Бұған ауыз судың жетіспеуіне наразылық себеп болды. Жергілікті атқарушы органдар жұртшылықпен түсіндіру жұмыстарын жүргізді. Оқиға орнына келген Талғар аудандық полиция бөлімінің патрульдік полициясының қызметкерлері жиналғандардан таралуын сұрады және көлік қозғалыстықайта жанданды, деп атап өтті облыстық ПД.

Баспасөз қызметі тұрғындардың тарап кеткендігін және қандай да бір өрескел қоғамдық тәртіпті бұзу фактілері байқалмағанын жеткізді.


zakon.kz жаңалықтарын оқыңыз
Жазбаларды көрсету

Көп оқылғандар

барлық жаңалықтар

ЖАҢАЛЫҚТАР

қате туралы хабарлау
Қате туралы хабарлау
Қате мәтін:
Түсініктеме:

Маңызды жаңалықтарды білгіңіз келе ме?