Жаңалықтар тізбегі
0

Үй құлайын деп тұр. "Дипломмен ауылға" барған жастар өкініп қалды

видеодан кадр, сурет - Zakon.kz жаңалық 30.07.2021 22:18 видеодан кадр
Қостанай облысына барған жас отбасының назы.

Тесік шатыр мен қақыраған қабырға. Қостанай облысында Мемлекеттік бағдарламамен берілген үйлердің төбесі ортасына түсейін деп тұр. "Дипломмен ауылға" бағдарламасы бойынша өңірге қоныс аударған Бердыхановтар отбасы шағымданды, деп хабарлайды zakon.kz.

2017 жылы медициналық оқу орнын тамамдаған жастарға Бейімбет Майлин ауданынан қызметтік баспана берілген екен. Алайда бір жыл өтпей жатып үйдің шатырынан су сорғалап, іргесі сөгітіле бастапты, дейді "Еуразия" бірінші арнасы.

Серғазы Бердыханов, "Дипломмен ауылға" бағдарламасының қатысушысы:

Үйдің іші содан бері ылғалды, ызғар. Қабырғалар суланады. Обой ажырап жатыр. Арасы көгеріп. Бір рет ауыстырдық обойды бірақ одан пайда жоқ. Шатырдан су өткен соң бәрібір сол қалпына қайта түседі.

Тіпті соңғы күндері көгеріп, сыз тартқан үйде балалар да жиі ауруға шалдыға бастаған. Сол үшін де Серғазы Бердыханов бас дәрігерге бірнеше мәрте арызданыпты. Алайда жас отбасының шағымына жауап беруге ешкім де құлықты болмай отыр. "Алдағы уақытта мәселеміз шешілмесе, ауданнан кетуге мәжбүрміз", дейді ол. Ал мемлекеттік қордан тұрғын үйді жалдау шартында апат, я болмаса түрлі форс-мажор жағдайларда күрделі жөндеу аудандық ауруханаға жүктелетіні нақты көрсетілген. Арна тілшілеріне сұхбат берген Бейімбет Майлин аудандық ауруханасының бас дәрігері бұл мәселені 2 апта мерзім көлемінде шешіп беруге уәде етті.

Бекболат Уалиев, Бейімбет Майлин аудандық ауруханасының бас дәрігері:

Бұл мәселені бақылауыма алдым. Шаруашылық жөніндегі жұмыскер шатырды жөндеуге кірісті. Үйдің ішіне де өз күшімізбен жөндеу жұмыстарын жүргізбекпіз. Екі апталық мерзімде бұл жұмыстарды аяқтаймыз.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: