Мамин халықты тұмауға қарсы вакциналау науқанын күшейтуді тапсырды

zakon.kz/ Павел Михеев zakon.kz/ Павел Михеев
Тұмауға қарсы вакциналау үшін 2,5 млн доза вакцина дайындалды. Қазіргі уақытта бірінші кезекте балалар, қауіп тобындағы адамдар, медицина қызметкерлері егіледі.

ҚР Премьер-министрі Асқар Маминнің төрағалығымен өткен Үкімет отырысында елдегі санитарлық-эпидемиологиялық жағдай қаралды, деп хабарлайды zakon.kz.

Денсаулық сақтау министрі Алексей Цой Қазақстандағы санитарлық-эпидемиологиялық жағдайдың жақсарып келе жатқанын айтты. Барлық өңірде бір ай ішінде аурушаңдық деңгейі айтарлықтай төмендеді. Вирустың репродуктивті индексі 0,88 құрайды. Инфекциялық төсектер 33%, реанимациялық төсектер 32% толы. Коронавирустың таралу қарқыны бойынша Түркістан, Жамбыл, Маңғыстау және Қызылорда облыстары «жасыл аймақта», Шымкент қаласы, Атырау, Алматы, Ақтөбе, Қостанай, Солтүстік Қазақстан, Батыс Қазақстан және Шығыс Қазақстан облыстары "сары аймақта" орналасқан. Алматы және Нұр-Сұлтан қалалары, Қарағанды, Павлодар және Ақмола облыстары "қызыл аймақта" тұр, делінеді primeminister.kz сайтында.

https://static.zakon.kz/uploads/posts/2021-09/thumbs/1632800938_mamin-t-mau.jpg

Бүгінгі таңда 7,5 млн-нан астам адам вакцинаның бірінші компонентін, 6,4 млн адам екінші компонентін алды. Үкімет басшысы халықты вакциналауды жалғастыруды және санитарлық-эпидемиологиялық жағдайды тұрақты бақылауда ұстауды тапсырды.

Премьер-министр күзде көбірек таралатын тұмау және басқа да респираторлық инфекциялар бойынша профилактикалық және эпидемияға қарсы шараларды қабылдау қажет екенін атап өтті. Тұмауға қарсы вакциналау үшін 2,5 млн доза вакцина дайындалды. Қазіргі уақытта бірінші кезекте балалар, қауіп тобындағы адамдар, медицина қызметкерлері егіледі.

Халықты тұмауға қарсы вакциналауды жандандырып, медициналық ұйымдардың тұмау жұқтырған науқастарды қабылдауға дайындығын қамтамасыз ету қажет, — деді Мамин.

zkadm
Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз