Қызылордада экстремистік ұйымның жақтаушысы ұсталды

Қызылордада сотпен тыйым салынған экстремистік ұйымның жақтаушысы ұсталды, деп хабарлайды zakon.kz.

Қызылорда облысы Полиция департаментінің қызметкерлері Ұлттық қауіпсіздік комитеті департаментінің қызметкерлерімен бірлесе отырып, "Таблиғи жамағат" діни экстремистік ұйымының жақтаушысы, 48 жастағы облыс тұрғынына қатысты жедел-іздестіру шараларын жүргізді. "Д" деген азамат сот тыйым салған діни экстремистік ұйымның шарттары мен дәстүрлерін ұстанып, оның қызметін ұйымдастырып, діни араздықты қоздыратын және діни экстремистік деп танылған ақпаратты насихаттап, тығыз діни байланыстарды іздестірді, деп хабарлайды Қызылорда облысы ПД баспасөз қызметі.

Сонымен қатар, діни экстремистік ұйымның қалада кездесулер ұйымдастырып, құпия уағыздар жүргізгені анықталды.

Арнайы іс-шаралар материалдарын талдау барысында азамат "Д-ның" әрекетінен қылмыстық құқық бұзушылықтың белгілері табылды, оған қатысты ҚР Қылмыстық кодексінің 405-бабы, 1-тармағы бойынша сотқа дейінгі тергеу қолға алынды. Қызылорда қалалық сотының 20 қыркүйектегі үкімімен азамат "Д" кінәлі деп танылып, үш жыл алты ай мерзімге бас бостандығын шектеу түрінде жауапқа тартылды және пробациялық бақылауға алынды, - дейді Қызылорда облысы ПД баспасөз қызметі.

Оқи отырыңыз

Есірткі таратқан шаңғы жаттықтырушысы 10 жылға бас бостандығынан айрылды

10:53, 24 сәуір 2024

Желідегі видео: Оралда су ағызып әкеткен ер адамға қатысты тың мәлімет жарияланды

22:51, 22 сәуір 2024

Ақмола облысында су тасқыны кезінде суға батып кетті деген ер адам тірідей табылды

21:57, 22 сәуір 2024