Павлодарда біреулер такси жүргізушісінің көзінше жолаушыны ұрлады

Павлодарда белгісіз біреулер такси автокөлігінің салонынан ер адамды ұрлап кетті, деп хабарлайды Zakon.kz.

Такси жүргізушісі адам ұрлау туралы 25 қазан күні кешке хабарлады. Оның айтуынша, үш белгісіз жігіт жолаушыны басқа көлікке отырғызып, белгісіз бағытқа алып кеткен.

Оқиға орнына келген жедел-тергеу тобы белгісіз тұлғалардың Павлодар қаласының 21 жастағы тұрғынын ұстап алып, LADA Priora автокөлігіне отырғызып, қашып кеткенін анықтады.

– Такси жүргізушісінің сипаттамасы бойынша күдіктілерді іздестіру шараларының нәтижесінде 26 қазанда сағат 01:20 шамасында LADA Priora Қарағанды облысындағы Молодежное ауылының маңынан табылды. 2000-2001 жылдары туған төрт күдікті ұсталды. Автокөлік арнайы айып тұрағына қойылды, – деді Павлодар облысы Полиция басқарамасының бастығы Нұрлан Мәсімов.

Аталған факті бойынша, ҚР ҚК 125-бабы 2-бөлігі 1-тармағы бойынша, сотқа дейінгі тергеу амалдары жүргізілуде. Заңсыз әрекеттердің мән-жайы мен себептері анықталуда.

Бақытжан Отарбаева

Оқи отырыңыз

Бишімбаев ісі бойынша судьяны белгісіз біреулер қорқытуда. Бірден 2 қылмыстық іс қозғалды

14:02, 19 сәуір 2024

Еліміздің солтүстігінде ауыл тұрғындарын эвакуациялау әлі жалғасуда

22:58, 18 сәуір 2024

Алматы облысында бес оқушының бояудан уланғанын аудандық әкімдік жоққа шығарды

20:57, 18 сәуір 2024