Қазақстанда нан 7%-ға қымбаттады

Нан, қымбатшылық, өндіріс, бидай Сурет: pixabay
2021 жылдың желтоқсанында нан бағасы өткен жылдың сәйкес кезеңімен салыстырғанда 7,4%-ға және ай сайын 0,4%-ға өсті, деп хабарлайды Zakon.kz

2021 жылдың қаңтар-қараша айларында елімізде 483,6 мың тонна нан өндірілді. Бұл бір жыл бұрынғыдан 14,8% аз. Осылайша Қазақстанда нан өндірісі бір жылда 15% азайған. Сонымен қатар нан бағасы 7% өскен.

Нан өндірісі туралы ақпаратты Energyprom агенттігі жариялады.

Оның ішінде нанның басым бөлігі Түркістан облысында өндірілді. Облыста бір жылда 119,8 мың тонна нан өндірілген. Үздік үштікке Алматы (56,8 мың тонна) мен Ақтөбе облысы (46,6 мың тонна) да кірді.

2021 жылдың желтоқсанында нан бағасы өткен жылдың сәйкес кезеңімен салыстырғанда 7,4%-ға және ай сайын 0,4%-ға өсті. Оның ішінде қара бидай наны бір жылда 11,6%-ға, жоғары сортты ұннан жасалған бидай наны 7,4%-ға, бірінші сортты ұннан 6,9%-ға қымбаттады.

Еліміз бойынша ең қымбат нан елордада (бір жылда нан 19,3% қымбаттады), Солтүстік Қазақстан (14%) және Ақмола (12,8%) облыстарында сатылады.

Ал Батыс Қазақстан облысында нан аса қымбаттай қоймаған. Тек бағасы 1,5% көтерілген.

нан бағасы

Инфографика: energyprom.kz

Еліміз бойынша жоғары сортты ұннан жасалған бидай нанының келісі 273 теңге тұрады. Бірінші сортты ұннан жасалған нанның бір келісі — 164 теңге. Ал қара бидай нанының құны келісіне — 340 теңге.

Ірі қалалардың ішінде ең қымбат нан елордада. Ал жоғары сортты ұннан жасалған ең арзан бидай наны Ақтөбеде бар.

2021 жылдың үшінші тоқсанында ел азаматтары бірінші сұрыпты ұннан жасалған 8,5 келі бидай нанын және 700 грамм қара бидай нанын тұтынған.

Еске салайық, қаңтардан бастап "Азық-түлік корпорациясы" АҚ нан бағасын тұрақтандыру мақсатында астықтың құнына нан өндіру үшін субсидиялар енгізді. Бұл туралы Қазақстан Республикасы Премьер-министрінің ресми ресурсы хабарлаған еді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз