Жаңалықтар тізбегі
0

Сенатор жастар саясатындағы формализмге және қаржының тиімсіз жұмсалуына наразы болды

Әли Бектаев, сурет - Zakon.kz жаңалық 10.02.2022 11:12 Сурет: Zakon.kz
Сенатор Әли Бектаевтың сөзінше, елдегі әлеуметтік-экономикалық жағдайға байланысты азаматтардың бейбіт сөз сөйлеуін қылмыстық топтар өз мүддесі үшін пайдаланды. Нәтижесінде кінәсіз адамдар зардап шекті, деп хабарлайды Zakon.kz

Депутат бұл туралы Сенат отырысында вице-премьердің атына жазылған депутаттық сауалында айтып, пікірін білдірді. Әли Бектаевтың айтуынша, Президент тапсырған нақты міндеттерді орындауда ұлттық идеологияны қалыптастыру керек. Ол үшін жастармен жұмысты күшейтуге баса назар аударылуы тиіс.

Қаңтар күндері алаңға жастар шықты. Олардың көбі деструктивті күштердің арандатуына бой алдырды. Жедел шешуді талап ететін проблемалардың бірі – өскелең ұрпақ арасындағы жұмыссыздық. Үкіметтің жыл сайынғы есептеріне қарап отырсақ, әр өңірде мыңдаған жұмыс орындары ашылып жатады. Түрлі мемлекеттік бағдарламалардың нәтижесінде көптеген кәсіпорындар ашылып, жүздеген адам жұмыспен қамтылды деген жаңалықтарды да естиміз. Бірақ жастар арасындағы жұмыссыздық көбеймесе, азаймай отыр. Сондықтан Үкімет жұмыссыздықты жою ісінде жалған есепке жүгінбей, нақты істерге көшуі қажет.Сенатор Әли Бектаев

Сенатор өзінің депутаттық сауалында жастар саясаты заман талабынан да, жастар талабынан да қалып отырғанын айтты. Әли Бектаев жастар саясатын формализмнен арылтып, оларды тәрбиелеу мәселесімен тыңғылықты айналысу, елімізде рұқсат етілмеген деструктивті діни ағымдармен күресудің нақты шараларын қолға алу маңызды екенін жеткізді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: