Алматыда тәртіпсіздіктерден зардап шеккен кәсіпкерлерге 3,7 млрд теңге бөлінді

2022 жылғы 2 науырызда шағын және орта бизнес субъектілерінің мүліктік шығынын анықтау жөніндегі Өңірлік комиссия кәсіпкерлердің жалпы сомасы 633,6 млн теңгені құрайтын 119 өтінішін мақұлдады. Оның ішінде жалпы сомасы 520,3 млн теңгенің 60 өтініші бюджет қаражаттарының, жалпы сомасы 113,3 млн теңгенің 59 өтініші «Жаңа Алатау» қайырымдылық қоры қаражысының  есебінен төленді.

«Комиссия жалпы сомасы 3 774,1 млн теңгені құрайтын барлығы 1009 өтінішті мақұлдады, оның ішінде жалпы сомасы 2 796,2 млн теңгенің 519 өтініші бюджет қаражаттарының, жалпы сомасы 977,9 млн теңгенің 490 өтініші «Жаңа Алатау» қайырымдылық қоры қаржысы есебінен  қаржыландырылды», делінген қалалық әкімдіктің баспасөз хабарламасында.

Зардап шеккен шағын және орта бизнес субъектілерінен өтініштері InfoKazakhstan сайтына келіп түседі. Бүгінде Алматыда зардап шеккен 1413 ШОБ субъектісі анықталды.

Оқи отырыңыз

Наурызда ел өңірлерінде тауарлар бағасы қаншалықты өсті

17:53, 16 сәуір 2024

Несиеден ерікті түрде бас тарту ақпаратын банктер мен МҚҰ есепке алатын болады

16:26, 03 сәуір 2024

Алматыда экспресс-жүктерді декларациялау жөніндегі пилоттық жоба іске қосылды

18:09, 02 сәуір 2024