Алматы облысының тәртіп сақшылары жүргізушілерге ескерту жасады

Сурет: Zakon.kz

Алматы облысының полиция департаменті ауа райының бұзылуына байланысты жүргізушілерден алыс сапарға шықпауды сұрады, деп хабарлайды Zakon.kz.

Алматы облысының жол сақшылары ауа райының өзгеруіне байланысты жол жүру қауіпсіздігін қамтамасыз ету мақсатында күшейтілген тәртіпте қызмет атқарып жатыр.

Ауа райының күрт өзгеруіне байланысты тұман қоюланып, республикалық маңыздағы Алматы-Өскемен тас жолында көру мүмкіндігі нашарлады. Осыған орай, Сіздерден қауіпсіздік шараларын қатаң сақтауды, әсіресе жылдамдық тәртібін асырмауды және көлік арасындағы арақашықтықты бұзбауды сұраймыз. Тұман салдарынан түрлі жол-көлік апаттары орын алып жатқанын білесіздер! Тұманда жол жүрсеңіз, мұқияттылығыңызды арттыру қажет. Алматы облыстық ПД

Оқи отырыңыз