«Хаббл» телескопы объективіне ғаламдағы ең көне жұлдыз ілінді

Хаббл, сурет - Zakon.kz жаңалық 01.04.2022 20:49

Сурет: pixabay

Еуропалық ғарыш агенттігінің (ESA) ғарыш телескопы мен NASA Hubble объективіне Жерден өте алыс орналасқан Earendel жұлдызы ілінді, деп хабарлайды Zakon.kz.

Шамамен 13 миллиард жыл бұрын пайда болған аспан денесі Эрендел деп аталfды, деп хабарлайды Еуропалық ғарыш агенттігі.

Америкалық астроном Брайан Уэлш өз әріптестерімен бірге 3,5 жыл бойы "Хаббл" суреттерін зерттеп, телескоп бірнеше жұлдыздардың жарқылын емес, бір жұлдыздың жарығын түсірген деген қорытындыға келді.

Уэлш Жер мен Earendel арасында орналасқан үлкен галактикалық жиынтықты ұлғайтып қарау кезінде жұлдыздың ашылғанын атап өтті. Бұл жиынтық массасы ғарыш матасын деформацияға ұшыратып, оның арғы жағында орналасқан алыс нысандарды көрінетін жағдай туғызды.

Жұлдыз Үлкен жарылыстан кейін 900 миллион жыл өткен соң жарқырап шықты, бұл телескопқа ілінген ең көне Жарық.

"Хаббл" - ғарыштағы ең ірі телескоптардың бірі, 1990 жылдан бастап жұмыс істейді және NASA-ның ірі обсерваторияларының тізіміне кіреді. Хаббл NASA және Еуропалық ғарыш агенттігінің командасымен бірлесіп құрылған.

Оқи отырыңыз