Күш құрылымдарына жауынгерлік әзірлікті арттыруға қосымша 441 млрд теңге бөлінеді

Сурет: Zakon.kz

Мәжілісте Қаржы вице-министрі Татьяна Савельева бюджетті нақтылау аясында күш құрылымдарына жауынгерлік әзірлігі мен техникасын арттыруға қосымша 441 млрд теңге қарастырылғанын айтты, деп хабарлайды Zakon.kz тілшісі.

Бұл қаржы қаңтар оқиғасының салдарын жоюға және жалпы сомасы 4,1 млрд теңге өтемақы төлеуге бағытталады. Ақша сонымен қатар бүлінген техникалар мен ғимараттарды жөндеп, қалпына келтіруге жұмсалады. Қазіргі уақытта қайтыс болған қызметкерлердің отбасыларына қажетті жәрдемақы мен өтемақы төленді. Қаржы вице-министрі Татьяна Савельева

Вице-министрдің айтуынша, қаржы және тұрғын үй көмегін өңірлер де көрсетеді.

441 млрд теңгенің 437 млрд теңгесі күштік құрылымдарды одан әрі нығайтуға бағытталады: 92 млрд теңге еңбекақыны және күш құрылымдарының санын арттыруға, 91 млрд теңге материалдық-техникалық базаны толықтыруға, әскери-көлік авиациясы паркіне 15,5 млрд теңге. Сондай-ақ, Ішкі істер министрлігінің, Ұлттық ұланның және Қорғаныс министрлігінің арнайы жасақтарының санын арнайы техникамен жарақтандыру жоспарлануда.

Барлық күш құрылымдарының арнайы жасақтарының қызметкерлері мен әскери қызметшілерінің жалақысы орта есеппен 20-дан 40 пайызға дейін өсті. Татьяна Савельева

Қабылданған шаралар, Қаржы вице-министрінің айтуынша, қоғамдық қауіпсіздік деңгейін арттыруға, дағдарыстық жағдайларға жедел ден қоюға және тұтастай алғанда, құқық қорғау органдарының беделін арттыруға мүмкіндік береді.

Оқи отырыңыз