Жаңалықтар тізбегі
0

Жамбыл облысында әскери борышын өтеп жатқан сарбаз көз жұмды

Әлімжеттік, сурет - Zakon.kz жаңалық 23.04.2022 13:39 Сурет: Facebook/bibramazan
Бозбала осы жылдың көктемінде Маңғыстау облысынан мерзімді әскери қызметке шақырылады. Ол әскери госпитальда есін жимастан қайтыс болды, деп хабарлайды Zakon.kz.

22 сәуірде Жамбыл облысы Гвардейск қалашығында әскери госпитальда мерзімді әскери қызметтің қатардағы сарбазы Әлібек Қалбай қайтыс болды, деп хабарлады Қорғаныс министрлігі.

Сарбаз таңертеңгі сапқа тұру кезінде есінен танып қалғаны хабарланады. Оған қажетті медициналық көмек көрсетілгенімен, ол есін жимастан қайтыс болды.

Әлібек Қалбай 2022 жылдың көктемінде Маңғыстау облысынан мерзімді әскери қызметке шақырылды.

Сарбаздың қайтыс болу фактісі бойынша тексеру басталды.

«Сарбаздың өліміне қатысты тексеру жұмыстары басталды. Қорғаныс министрлігінің басшылығы мен Қарулы күштердің жеке құрамы Қалбай Әлібек Саламатұлының туған-туыстары мен жақындарына қайғырып көңіл айтады», - деп аталып өткен ведомство хабарламасында.

Бұған дейін марқұмның туыстары әлімжеттік туралы айтқан болатын, деп хабарлайды inAktau.

Әлібек Қалбай 13 сәуірде жедел мерзімді әскери қызметке шақырылды. Ол әскери борышын өтегісі келмеді, бірақ бұл міндетінен жалтарғаны үшін салынатын айыппұлдан сескеніп, мәжбүрлі түрде кеткен еді.

Қазір оның анасымен бірге мәйітханада отырмыз... Оны бірнеше рет сабаған, басында соққы іздері бар. Бүгін Ақтауға ораламыз. 13 сәуірде ұстап алып, әскери борышын өтеуге жіберді, 18 сәуірде әскери бөлімге келіп түсті, ал кеше таңертең бізге әскери комиссариаттан қаралы хабар келіп тұр. Марқұмның туысы Динара Тілесова

Туыстары қолға алынған тергеу әділ болады деп үміттенеді.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: